Jetísu audanynda qoǵamdyq keńístíktí abattandyru men qolaıly qalalyq orta qūru jūmystary ayaqtalyp qaldy. Audan ákímí Lázzat Jylqybaevanyń aıtuynsha, būl jobalar tūrǵyndardyń ómír súru sapasyn arttyryp, qalanyń kókke oranǵan zamanǵa saı kelbetín qalyptastyruǵa baǵyttalǵan.
Seıfullın men Jansúgírov qıylysyndaǵy kólík aıryǵy mańyndaǵy qoǵamdyq keńístíktí abattandyru negízgí jobanyń bírí boldy. Jalpy aumaǵy 3,4 gektar bolatyn būl jerde 30,4 myń m² aumaqty kógaldandyryp, 5,8 myń m² jerge tas (bruschatka) tóseldí. Sonymen qatar, 7 ūńǵyma būrǵylanyp, 3,5 gektar aumaqqa avtomatty suaru júıesí ornatylǵan. Mūnda 192 aǵash, 14 myń būta men 2 400 gúl egílíp, ekí alpílík tóbeshík jasaldy.
«Gúlder» parkíníń jóndeu jūmysy da ayaqtaldy. Mūnda 6 myń m² aumaqqa bírjyldyq jáne kópjyldyq gúlder egílíp, 750 m² jer kógaldandyryldy. 4 ūńǵyma būrǵylanyp, 4,5 myń m² aumaqqa avtomatty suaru júıesí ornatyldy. Park aumaǵynda úsh sándík toǵan men gúlmen kómkergen arkalar paıda boldy.
Būdan bólek, Qūdabaıūly men Araltóbe kósheleríníń boıyndaǵy uchaskeler men Jūmabaev kóshesíndegí kópír abattandyryldy.
12 jerde avtomatty suaru júıesí ornatylyp, 15 ūńǵyma būrǵylandy, 76 myń m² aumaqqa kógal egíldí. Būl jūmystar qalanyń mańyzdy baǵyty – Rysqūlov–Seıfullın, Rysqūlov–Súıínbaı, Seríkov, Soltústík aınalma jol–Bókeıhanov qıylysynda atqaryldy. Maqsaty - jasyl qordy saqtap, audandy ekologıyalyq tūrǵyda barynsha jaıly ete túsu.
Qajettílígí bar adamdar úshín qoljetímdí orta qūruǵa da erekshe kóńíl bólíngen. 18 jerústí jayau júrgínshí ótkelíndegí tík jáne kóldeneń kótergíshter jóndelíp, auystyryldy.
Sonymen qatar, abattandyru ayasynda Qarasu ózení ústíndegí kópírge kúrdelí jóndeu júrgízílíp, Pervomaıka auylynyń (soltústík-batys bólígí) zırat aumaǵyna 163 m² qorshau ornatylyp, qaqpa men esík jasaldy.
Keler jyly Jetísu audanynda abattandyru jobalary jalǵasyn tabady: avtomatty suaru júıelerín keńeıtu, jańa demalys aımaqtaryn qūru men tūrǵylyqty jaılardaǵy trotuarlardy qaıta jańartu josparlanǵan.
«Abattandyru – būl jaı jóndeu emes. Būl – tūrǵyndarǵa jaıly ómír súruge, demaluǵa jáne balalarymen seruendeuge múmkíndík beretín qalalyq orta qūru. Bíz tabıǵatqa qamqorlyqty úılestírgen zamanǵa saı audan qalyptastyryp jatyrmyz», - dep túıíndedí óz sózín Lázzat Jylqybaeva.
