Jelíde Shymkenttegí bírneshe mektepke "shabuyl jasalady" degen jalǵan aqparat tarady, - dep habarlaıdy aqshamnews.kz tílshísí.
16 qańtarda Telegram-arnalar men toptarda belgísíz adamdar qaladaǵy shamamen 25 mektep, gımnazıya jáne lıtseıdíń atauyn atap, "sol jerlerge baramyz" dep qorqytqan jazbalar jarıyalaǵan. Emotsıyaǵa toly būl habarlamalar ata-analar men mūǵalímder arasynda úreı tuǵyzdy.
Alaıda qalalyq bílím basqarmasy būl aqparattyń jalǵan ekenín málímdedí. Vedomstvo ókílderíníń aıtuynsha, “balanyń ómíríne qauíp tóníp tūr” degen habarlamalar shyndyqqa janaspaıdy, qazírgí tańda qauíp tóndíretín eshqandaı oqıǵa tírkelmegen.
Basqarma málímetínshe, jaǵdaı jauapty qyzmetterdíń baqylauynda. Jalǵan aqparat jarıyalaǵan akkaunttar anyqtalyp, tekseru júrgízílíp jatyr. Sonymen bírge tūrǵyndarǵa rastalmaǵan, emotsıyaǵa negízdelgen málímettíń qoǵamda orynsyz úreı tuǵyzatynyn eskertíp, tek resmı derekkózderge súıenuge jáne tekserílmegen aqparatty taratpauǵa shaqyrdy.
Qalalyq polıtsıya departamentí de messendjerlerde taraǵan “mektepterde jappaı qylmys bolady” degen habarlamalardyń feık ekenín rastady. Qūqyq qorǵau organdary tekseru sharalaryn bastap, qauípsízdík rejımín kúsheıtkenín, jaǵdaı tolyq baqylauda ekenín habarlady.
Sondaı-aq polıtseıler qasaqana jalǵan aqparat taratu zań boıynsha qylmys ekenín eske saldy: mūndaı áreket úshín 5 jylǵa deıín bas bostandyǵynan aıyru jazasy qarastyrylǵan. Resmı organdar tūrǵyndardy sabyr saqtap, tek senímdí aqparat kózderíne ǵana senuge úndedí.