Íshkí íster mınıstrlígí jastar arasyndaǵy kıberqylmyspen, onyń íshínde "swatting" dep atalatyn (terakt, jarylǵysh zat qoıyldy degen nemese ózge de tótenshe oqıǵalar turaly jalǵan habarlamalar) qūqyqqa qaıshy árekettermen kúres máseleleríne erekshe nazar audarady, - dep habarlaıdy Aqshamnews.kz.
Qoǵamdyq tártíptí būzuǵa jáne halyqty úreılendíruge baǵyttalǵan mūndaı zańsyz áreketterdí anyqtau jáne jolyn kesu boıynsha keshendí sharalar qabyldanuda. Bílím beru ūıymdarynda profılaktıkalyq jūmysqa, sondaı-aq mektep oqushylary men studentter arasynda destruktıvtí ınternet-trendterdíń taraluyna jol bermeuge erekshe kóńíl bólínedí.
- Íshkí íster mınıstrlígíníń kıberqylmysqa qarsy ís-qımyl bólínísterí jedel-ízdestíru sharalary barysynda mektepter men sauda-oıyn-sauyq ortalyqtaryna jarylǵysh zat qoyu turaly jalǵan habarlamalar taratqan adamdardy anyqtap, ūstady. Mysaly, aǵymdaǵy jyldyń tamyz aıynda Qazaqstan Respublıkasy ÍÍM kıberpolıtsıya qyzmetkerlerí Sheshen Respublıkasynyń ÍÍM-men bírlesíp, Qazaqstan aumaǵynda terakt turaly jalǵan aqparat taratqan Reseıdíń kámeletke tolmaǵan azamatyn qūryqtady, - dedí ÍÍM kıberqylmysqa qarsy ís-qımyl departamentí bastyǵynyń orynbasary Aslan Óskembaev.
9 qyrkúıekte Balqash qalasynda mektep, sauda ortalyǵy jáne taǵy da basqa meken-jaılarǵa jarylǵysh zat qoıylǵany turaly 63 habarlama jasaǵan 15-16 jastaǵy ekí jergílíktí tūrǵyn ūstaldy.
14 qazanda Qazaqstan Respublıkasy ÍÍM jáne Reseı Federatsıyasy ÍÍM-níń Saha Respublıkasy boıynsha bólínísterí bírlesken operatsıya júrgízíp, ınternettíń reseılík segmentínde ūltaralyq arazdyqty qozdyruǵa baǵyttalǵan materıaldar men ekí el aumaǵyndaǵy terakt turaly jalǵan habarlamalar taratqan Astana qalasynyń kámeletke tolmaǵan tūrǵynyn ūstady.
25 qazanda Aqtau qalasynda Telegram messendjerí arqyly "Aqtau" sauda ortalyǵyna bomba qoıylǵany turaly habarlama jasaǵan 18 jastaǵy jergílíktí tūrǵyn ūstaldy.
14 qarashada Taraz qalasynyń kámeletke tolmaǵan tūrǵyny qūryqtaldy. Ol qaladaǵy mektepter men sauda ortalyǵynda jarylǵysh zattyń qoıylǵany turaly úsh jalǵan habarlama jasaǵan.
15 qarashada Aqtóbe qalasynda kámeletke tolmaǵan bala úsh mektepte terakt daıyndaluda degen jalǵan habarlamalardy taratu kúdígímen ūstaldy.
20 qarasha Astana qalasynda WhatsApp messendjerí arqyly mektepte terakt daıyndaluda degen jalǵan habarlamalardy taratqan jasóspírím anyqtaldy. Atalǵan faktíler boıynsha sotqa deıíngí tergep-tekseru júrgízílude.
- Íshkí íster mınıstrlígí "swatting" jáne tótenshe jaǵdaılar turaly kez kelgen jalǵan habarlama auyr qylmys bolyp sanalatynyn jáne 5000 aılyq eseptík kórsetkíshke deıín aıyppūl nemese 5 jylǵa deıín bas bostandyǵynan aıyru jazasy qarastyrylatynyn eske salady. Ata-analardy, pedagogtardy jáne jastardy kúmándí ınternet-trendterge ermeuge jáne mūndaı "ázílderdíń" qoǵamǵa da, jasóspírímderdíń taǵdyryna da zıyan keltíretínín ūmytpauǵa shaqyramyz, - dedí Aslan Óskembaev.