Memleket basshysy bıylǵy Joldaýynda jasandy ıntellekttiń bilim berý júıesinde basymdyqqa ıe bolýy qajet ekendigin basa aıtqany belgili.
Prezıdent bastamasyn júzege asyrý úshin bolashaq urpaq tárbıelep otyrǵan pedagogterdiń sıfrlyq tehnologıany meńgerýi asa mańyzdy.
Onyń ústine qazirgideı aqparattar zamanynda sıfrlyq tehnologıalar balanyń qyzyǵýshylyǵyn arttyrýdyń tıimdi tásili bolyp tabylady. Osyǵan oraı, qalamyzdyń Áýezov aýdanyna qarasty №64 bóbekjaı-balabaqshasynda «Adal azamat» «Birtutas tárbıe baǵdarlamasy» aıasynda shyǵarmashylyq ádis- tásilderdi qoldaný aıasynda aýdandyq semınar ótti.
Bul is- sharanyń maqsaty- pedagogterdiń adal azamat tulǵasyn qalyptastyrýdaǵy tájirıbesin jetildirý, «Birtutas tárbıe baǵdarlamasy» aıasynda qundylyqtarǵa negizdelgen tárbıe jumystarynyń ınovasıalyq tıimdi ádisterin sheber synyp arqyly kórsetý boldy. Jalpy, JI men ınteraktıvti platformalar tárbıeshiler men ádiskerlerdiń jumysyn jeńildetip, balalardyń tanymdyq belsendiligin damytady. Ujym qyzmetkerleri shara barysynda birneshe ınterfeısterde jasalǵan oıyn túrlerimen tanystyrdy. Mysaly: Gemini, Grok,Wordwall, Kahoot, Quizizz, Pix Verse, ChatGPT, Gologramm tásilderi. Atalmysh balabaqshanyń qazaq tili mamany N. Mınamýtdınova «Oıyn men tehnologıa- til kilti» atty sheberlik saǵatynda «SmartBala» jobasy baǵytynda balalardy úı janýarlarymen, tórt túliktiń tólderimen jáne adam balasyna keltiretin paıdasy jaıly túsindirý barysynda Gemini, Grok, Pix Verse, ChatGPT, Gologramm ınterfeısterin jáne robototehnıkany qalaı tıimdi qoldanýǵa bolatynyn kórsetip, óz is- tájirıbesimen bólisti.
Kelesi kezekte qazaq tili mamany A. Ábildaeva «Eńbegi adal – jas óren»- tárbıelenýshilerde ártúrli mamandyqtarǵa qyzyǵýshylyqty damytý jáne eńbeksúıgishtik ıdeıasyn nasıhattaý arqyly qundylyqtardy qalyptastyrý maqsatynda «Mamandyqtyń bári jaqsy- qalaýyńdy tańdaı bil» atty sheberlik saǵatynda Wordwall, Pix Verse, ChatGPT platformalarynyń utymdy paıdalaný joldarymen tanystyrdy. Al balabaqsha psıholog mamany A. Eslakova semınarǵa qatysýshy pedagogtermen Kahoot, Quizizz platformalarynda «Adaldyq alańy» atty ınteraktıvti vıktorınalyq oıynyn oınatyp, "Mıǵa shabýyl" ádisin qoldanýdyń tıimdi tustaryn kórsetti.
Mektepaldy «Qulynshaq» tobynyń tárbıeshisi A.Uzaqova Ýzakova damytýshy ortany uıymdastyrý, balalar men eresekterdiń qarym-qatynasy men birlesken áreketin, balalardyń qımyl belsendiligin, sondaı-aq olardyń ońasha bolýyna múmkindikti qamtamasyz etý joldary jaıly óz tájirıbesimen bólisti.
Semınar sońy balabaqshanyń ónerpaz búldirshinderiniń ónerine ulasty. óz máresine jetti. Semınarǵa qatysýshy qonaqtar is- sharadan alǵan áserlerin ortaǵa salyp, shyǵarmashylyq shabyt, tyń ıdeıa alyp qaıtty.