Mańǵystauda jasandy ıntellekt tehnologıyalaryna arnalǵan semınar óttí, - dep habarlaıdy Aqshamnews.kz.
Mańǵystauda oblys ákímdígíníń ūıymdastyruymen jasandy ıntellekt tehnologıyalaryn qoldanu boıynsha trenıng óttí, dep habarlaıdy Qoǵamdyq kommunıkatsıya ortalyǵy.
Trenıng barysynda qatysushylarǵa jasandy ıntellekt tehnologıyalaryn qoldanu joldary men jasandy ıntellekt túrlerí túsíndíríldí. Sondaı-aq shara ayasynda jurnalıst, «AI hub» kompanıyasynyń ókílí Meıírjan Áuelhanūlynyń «Jasandy ıntellekt álíppesí» atty kítabynyń tanystyrylymy óttí. Kítapta jasandy ıntellektíní ómírdíń ár salasynda dūrys paıdalanu joldary men olardyń túrlerí kórsetílgen. Sonymen qatar, qosymsha jasandy ıntellektíge dūrys saual qoyuǵa arnalǵan prompttar berílgen. Spıker óz sózínde jasandy ıntellekt múmkíndíkterín jūmys barysynda tıímdí qoldanu joldaryn atap óttí.
- Qazírgí tańda jasandy ıntellekt – eń aldymen úlken múmkíndík. Būl qūraldy ózderíníń kúndelíktí jūmysynda tıímdí qoldana alady. Jasandy ıntellektíní tek mátín túzetetín redaktor retínde emes, beınematerıaldar men suretter jasau, zertteu júrgízu, úlken derektermen jūmys ísteu sıyaqty baǵyttarda da keńínen qoldanuǵa bolady. Sondaı-aq, jasandy ıntellekt degen ūǵym «prompt» degen sózben tíkeleı baılanysty. Eger síz jasandy ıntellektíge dūrys saual joldaı alsańyz, onyń barlyq múmkíndíkterín dūrys paıdalana alasyz. Eger dūrys qūrylymda saual joldaı almasańyz, sol saualǵa saı dūrys jauap bermeuí múmkín. Sondyqtan, saualdyń dūrys qoıyluy eń basty árí, mańyzdy másele,- dedí Meıírjan Áuelhanūly.
