Tıímdí árí arzan jolmen jas kóríngísí keletínderge bıologıyalyq jasty 10 jylǵa deıín jasartu úshín qymbat protseduralarǵa júgínudíń qajetí joq. Eń bastysy - dūrys tamaqtanu.
Daily Mail basylymynyń jazuynsha, dıetolog Feı Djeıms bírínshí kezekte tamaqtanu mázírín aluan túrlí etudí ūsynady. Maman dıetaǵa otyrmaı-aq, paıdaly taǵamdardy kóbírek tūtynu arqyly zıyandy ónímderden bas tartuǵa bolatynyn aıtady. Yaǵnı, as mázíríne kókónís pen kók shóptí, túrlí dándí daqyl men balyqtyń ár túrín qosqan jón.
Sondaı-aq ol qandaǵy qant mólsheríníń kúrt kóteríluín boldyrmas úshín árbír tamaqtanu kezínde aquyzǵa baı ónímderdí paıdalanuǵa keńes beredí. Sebebí taǵam qūramynda aquyz, maı, kómírsu men talshyq bolsa, aǵzadaǵy glyukoza deńgeıí bírqalypty bolady.
"Jas kórínu úshín aǵzadaǵy jasushanyń quat sózí sanalatyn mıtohondrıyanyń dūrys jūmys ísteuíne áser etetín taǵamdardy tūtynu kerek. Oǵan kók shóp, asqabaq dání, maıly balyq, jıdekter, záıtún maıy, kók shaı, brokkolı jáne ózge de qyryqqabat tūqymdas kókóníster jatady", - deıdí maman.
Dıetologtyń píkírínshe, jalǵyz qatań shekteu - jartylaı daıyn ónímderden tolyqtaı bas tartu. Ol típtí kúndelíktí tūtynatyn nandy da ózí písíretínín aıtady.
Sonymen qatar jas kórínudíń mańyzdy faktory retínde tūraqty fızıkalyq belsendílíktí atap ótu kerek. Onyń íshínde kúsh jattyǵularynyń boluy erekshe mańyzdy.