Júz jyldan astam tarıhy bar respublıkalyq «Jas Alash» gazetínde basshylyq qūramda ózgerís boldy, dep habarlaıdy Aqshamnews.kz "Adyrna" ūlttyq portalyna sílteme jasap.
Basylymnyń jańa bas redaktory bolyp belgílí jurnalıst árí medıamenedjer Erík Rahym taǵaıyndaldy.
Erík Rahym – ál-Farabı atyndaǵy Qazaq ūlttyq unıversıtetíníń jurnalıstıka fakultetíníń túlegí. Onyń jurnalıstıka salasyndaǵy eńbek joly 2002-2003 jyldary halyqaralyq «Túrkístan» gazetínde tílshí qyzmetínen bastalǵan.
2003-2015 jyldary Erík Rahym «Jas Alash» redaktsıyasynda jūmys ístep, tílshí, bólím meńgerushísí, jauapty hatshy jáne bas redaktordyń orynbasary qyzmetterín atqardy.
2015-2019 jyldar aralyǵynda ol «TūranTV» telearnasynda redaktor, sondaı-aq Bairaq.kz jáne Oinet.kz saıttarynda bas redaktor boldy.
2019 jyldyń qarashasynan 2025 jyldyń qarashasyna deıín jurnalıst Nege.kz aqparattyq-saraptamalyq portalynyń bas redaktory qyzmetín atqarǵan.