Almatynyń bas sanıtar dárígerí ne sebepten qauly qabyldaǵanyn aıtty.
Mausymnyń 28 kúní Almaty qalasy Óńírlík kommunıkatsıyalar qyzmetíníń alańynda «Aǵymdaǵy epıdemıologıyalyq jaǵdaı jáne COVID-19-dyń taraluyn aldyn alu sharalary» taqyrybynda onlaın baspasóz-konferentsıyasy óttí. Shara barysynda Almaty qalasy sanıtarıyalyq-epıdemıologıyalyq baqylau departamentíníń basshysy, qalanyń bas memlekettík sanıtar dárígerí Jandarbek Bekshın jáne Almaty qalasy qoǵamdyq densaulyq basqarmasynyń basshysy Narıman Tabynbaev shahardaǵy búgíngí epıdahual turaly aıtyp berdí, dep habarlaıdy Almaty-akshamy.kz.
Bas sanıtar dáríger Jandarbek Bekshınnyń aıtuynsha, búgíngí tańda úndí shtamy 35% qūrap otyr. Būl óte qauíptí árí jyldam taraıtyn shtamm bolǵandyqtan, mamandar arnaıy shalardy íske asyryp jatyr. Osy maqsatta sanıtarlyq dáoíger arnaıy qauly shyǵarǵanyn aıtty.
«Mausymynyń 26 kúní meníń qaulym shyqty, oǵan barlyq mutatsıyadan ótken eń qauípty úndí shtamy sebep bolyp otyr. Bíz óz merzímínde osy shtamdy anyqtap, sol «qyzyl» aımaqqa kírgen kúní óz qaulymyzdy shyǵardyq. Jyl basynan berí qalada 55 myńnan astam jaǵdaı tírkelse, mausym aıynda 3889 jaǵdaı tírkelgen, ótken táulíkte 215 jaǵdaı anyqtaldy. Ózderíń kóríp otyrǵandaı, ekí apta būryn bír táulíkte 114 jaǵdaı bolatyn. Qazír aurulardyń sany ósíp kele jatyr, aurular sanynyń ósuíne baılanysty qauly qabyldadyq», – dedí Jandarbaek Bekshın.
Jandarbek Bekshınnyń aıtuynsha, būl shtamm jastar men qarttar úshín qauíptí. Sol sebepten qala boıynsha bírqatar shekteuler engízíletín bolady.