Jańa Konstıtutsıya jobasy – sarapshylar men qoǵam ókílderíníń ūzaq árí tıyanaqty eńbegíníń nátıjesínde ázírlengen bíregeı tarıhı qūjat. Ol jalpyhalyqtyq referendumǵa shyǵaruǵa tolyq daıyn. Būl turaly Májílís deputaty Aıdos Sarym Konstıtutsıyalyq reforma jóníndegí komıssıyanyń 12-shí otyrysynda málímdedí.
Aıdos Sarymnyń aıtuynsha, jańa Konstıtutsıyany daıyndau barysynda bírqatar mańyzdy serpíndí qadamdar jasaldy.
«Bírlese jáne úılesímdí atqarylǵan jūmystyń arqasynda qajettí qūqyqtyq normalar men tūjyrymdardy taba aldyq. Olar juyrda azamattarymyzdyń ómírín oń baǵytta ózgertíp, memleketímíz ben qoǵamymyzdyń jańa kelbetín qalyptastyruǵa yqpal etedí», – dedí deputat.
Onyń sózínshe, jańa Ata zańnyń jobasy Qazaqstannyń tarıhı damu jolyn jan-jaqty eskeríp, memlekettílíktíń sabaqtastyǵyn aıqyndaıdy.
«Tarıhshy árí mūraǵatshy retínde mūndaı ūstanym men úshín aıryqsha qūndy. Bíz jańa taǵdyrdyń, ortaq bolashaqtyń Konstıtutsıyasyn jasadyq dep shynaıy senímmen aıta alamyn», – dedí Aıdos Sarym.
Sondaı-aq, ol qūjatta ūlttyq qauípsízdík, el bírlígí men qoǵamdyq kelísímdí saqtau, Qazaqstan shekarasynyń myzǵymastyǵyn qamtamasyz etu máselelerí tolyq qamtylǵanyn atap óttí.
Būdan bólek, Qazaqstan óz Konstıtutsıyasynda alǵash ret ǵylym, bílím, mádenıet jáne ınnovatsıya salalarynyń basymdyǵyn aıqyndap otyr.
«Bíz álemdegí alǵashqy memleketterdíń bírí bolyp azamattardyń tsıfrlyq qūqyqtaryn Ata zań deńgeıínde bekítíp otyrmyz. Dál osy salalarda memleketter arasyndaǵy basty básekelestík júredí. Bíz ashyq, adal árí órkenıettí básekege daıynbyz», – dedí deputat.
Sonymen qatar, onyń aıtuynsha, Konstıtutsıya jobasynda «Zań men Tártíp» qaǵıdattary ūlttyq basymdyq retínde aıqyndalyp, qazaqstandyqtardyń el tabıǵatynyń taǵdyryna ortaq ekologıyalyq jauapkershílígí bekítílgen.
«Bízdíń Konstıtutsıya jobamyz – būl erkíndík, tártíp, zańdylyq jáne ózara jauapkershílík Konstıtutsıyasy», – dedí Aıdos Sarym.
Sóz sońynda ol jańa Konstıtutsıyany ázírleu barysynda auqymdy árí mūqıyat jūmys júrgízílgenín atap óttí.
«Qazírgí nūsqada ony Prezıdentke ūsynyp, jalpyhalyqtyq referendumǵa shyǵaruǵa ábden bolady dep senemín. Bíz respublıkalyq shtab qūryp, elímízdíń barlyq óńíríne baryp, árbír azamatpen ashyq árí senímdí dıalog júrgízuge daıynbyz», – dep túıíndedí deputat.
