Qazaqstannyń Oqu-aǵartu mınıstrlígí mektep oqushylaryna mańyzdy eskertu jasady, dep habarlaıdy aqshamnews.kz
Vedomstvo būl habarlamany óz Telegram arnasynda jarıyalady.
"Nazar audaryńyzdar, balalar! Qauípsízdík taqyrybynda ázílderge abaı bolyńyzdar. Sońǵy kezde mektep oqushylary ázíl retínde terrorıstík áreketter turaly aıtyp júr. Eger bíreu kezdeısoq nemese qasaqana terrorıstík áreket turaly jalǵan aqparat berse, būl jauapkershílíkke ákep soǵuy múmkín. Aıyppūl, túzetu jūmystary nemese odan da auyr sharalar qoldanyluy múmkín", – delíngen Qazaqstan Respublıkasynyń Oqu-aǵartu mınıstrlígí baspasóz qyzmetíníń habarlamasynda.
Bílím mınıstrlígí atap ótkendeı, mūndaı ázílder – jaı qatelík emes, zań būzu bolyp tabylady.
"Típtí sen álí jauapkershílík jasyna jetpegen bolsań da, jauapkershílík seníń ata-anańa júkteluí múmkín. Árqashan óz áreketteríńníń saldaryn oılaudy ūmytpa, sebebí qauípsízdík – eń mańyzdy nárse!" – dep mektep oqushylaryna eskertu jasaldy.
