23 maýsymda Almaty qalasynyń Bas sanıtarlyq dárigeri Jandarbek Bekshın Óńirlik komýnıkasıalar qyzmetinde ótken onlaın-brıfıngte qala turǵyndarynyń karantın talaptaryn saqtamaıtynyn habarlady. Eresekter men balalar jaıaý júrginshiler joly men skverlerde beıqam júrýde. Bul koronavırýs ınfeksıasynyń jańa tolqynyn týdyrýy múmkin.
Jýrnalıserdiń suraqtaryna jaýap bergen Jandarbek Bekshın qarqyndy epıdemıologıalyq jaǵdaıǵa qaramastan, jańa shtamdardyń aınalymyna baılanysty lokdaýndy engizý josparlanbaǵanyn málimdedi.
"Barlyǵy bizdiń tártipke, epıdemıaǵa qarsy sharalardy saqtaýǵa baılanysty. Árıne, jańa shtamdardyń anyqtalǵany týraly aqparat alǵanmen, bizdiń medısınalyq jeli syrqattanýshylyq kúrt ósken jaǵdaıda ǵana daıyndyq júrgizedi", – dedi J. Bekshın.
Ol buǵan deıin Almatyda úshinshi tolqyn kezinde kovıdtik emhanalarda 6 060 tósek-oryn baryn aıtty. Aýrýdyń azaıýyna baılanysty olardyń sany 1700-ge deıin tómendedi. Aýrý juqtyrý artqan jaǵdaıda emdeý mekemeleri qaıta baqylaý júrgizedi.
"Búginde lokdaýnǵa qatysty másele turǵan joq. "Delta" shtamyn juqtyrǵan bir jaǵdaı anyqtaldy. Lokdaýnǵa jol bermeýimiz kerek. Ol úshin epıdemıologtar sizdiń aldyńyzǵa qoıǵan barlyq shekteý sharalaryn saqtaý qajet", – dedi J. Bekshın.
Almatynyń bas sanıtarlyq dárigeri qala turǵyndaryn ekpe alýǵa, sondaı-aq betperde rejımi men qoǵamdyq oryndarda áleýmettik qashyqtyqty saqtaýǵa shaqyrdy.