Pákístan astanasynda avtokólík jarylyp, kemínde 12 adam qaza tapty, - dep habarlaıdy Aqshamnews.kz India Today deregíne súıeníp.
Pákístan astanasy Islamabadta kólík jarylysy saldarynan kemínde 12 adam kóz jūmyp, 20-dan astam adam jaralandy. Bılík pen polıtsıya būl oqıǵany terakt retínde qarastyryp otyr.
Pákístandyq BAQ málímetínshe, jarylys halyq kóp jınalatyn uaqytta sot ǵımaratynyń mańynda, sol jerde tūrǵan avtokólíkte bolǵan. Dúmpuíníń qatty bolǵany sonshalyq, jarylys dybysy 6 shaqyrymǵa deıín estílgen. Zardap shekkenderdíń basym bólígí advokattar men sot qyzmetkerlerí.
Aldyn ala boljam boıynsha, jarylysty jankeshtí-terrorıst jasaǵan boluy múmkín.
Pákístan Prezıdentí Asıf Alı Zardarı būl shabuyldy qatań aıyptap, qaza tapqandardyń jaqyndaryna kóńíl aıtty.
