Atyrauda joǵalǵan otbasynyń ūl-qyzy da ólí tabyldy, – dep habarlaıdy aqshamnews.kz tílshísí.
Atyrau qalasy mańyndaǵy Geolog shaǵynaudanynda Nauryz ben Mıramgúldíń máıítterí tabyldy.
Keshe kúdíktíler Sūltan men onyń jūbaıy Aqbayan Almatyǵa jetkízílgen. Almatyda Sūltan Sársemalıev Nauryz ben Mıramgúldí óltírgenín moıyndap, olardyń denesín būryn ózí tūrǵan Geolog shaǵynaudanyndaǵy úıdíń aulasyna kómgenín aıtqan.
Osy málímetten keıín Atyraudaǵy tergeushíler kórsetílgen jerge baryp, aumaqty qaıta teksergen. Nátıjesínde ekí adamnyń máıítí tabyldy.
Marqūmdardyń denesí tabylǵan úıde kúdíktí Sūltan Sársemalıev jūbaıymen bírge tūrǵany anyqtalǵan.
Joǵalǵan otbasy músheleríníń barlyǵy tabyldy. Qazír tergeu jūmystary jalǵasyp jatyr, al tergeushíler qylmystyń ózge de mán-jaılaryn anyqtap jatyr.
Eske salaıyq, ízdestíru jūmystary byltyr jeltoqsannan berí júrgízílíp kelgen. Oǵan polıtsıya qyzmetkerlerí men Ūlttyq gvardıya sarbazdary qatysyp, arnaıy jyljymaly shtab qūrylǵan. Úı aulasy men mańaıy arnaıy tehnıkamen, sonyń íshínde georadarlardyń kómegímen tekserílgenímen, bastapqy ízdeu nátıjesíz bolǵan edí.
Būǵan deıín Jangeldın auylyndaǵy saraıdan erlí-zaıyptynyń máıítterí tabylǵan bolatyn.
