Iran qaruly kúshterí Kıpr, Túrkıya jáne Ázerbaıjanǵa shabuyl jasaǵan joq. Būl turaly brıfıng barysynda Iran Syrtqy íster mınıstrlígíníń resmı ókílí Ismaıl Baǵaı málímdedí, – dep habarlaıdy aqshamnews.kz tílshísí RIA Novostı agenttígíne sílteme jasap.
"Ázerbaıjan, Túrkıya jáne Kıprge qatysty aıtsaq, qaruly kúshterdíń Bas shtaby Iran aumaǵynan nemese eldíń qaruly kúshterí tarapynan mūndaı reaktıv oq ūshyrylmaǵanyn naqty árí resmı túrde málímdedí", – dep keltíredí Baǵaıdyń sózín ırandyq SNN telearnasy.
Iran Syrtqy íster mınıstrlígíníń ókílíne AQSh pen Izraılmen bítímge kelu turaly kelíssóz júrgízíluí múmkín be degen sūraq qoıyldy.
"Áskerı qaqtyǵys jalǵasyp jatyr. Qazírgí jaǵdaıda qorǵanys pen qarsylasqa joıqyn jauap beruden basqa másele turaly aıtu orynsyz", – dedí ol.
Sonymen qatar, Baǵaı AQSh-tyń negízgí maqsaty Irannyń mūnaı resurstaryna qol jetkízu ekenín de málímdedí.
Eske salaıyq, 28 aqpanda AQSh pen Izraıl Iran aumaǵyndaǵy nysandarǵa, sonyń íshínde Tegeranǵa da soqqy jasaı bastady. Óz kezegínde Iran Izraıl aumaǵyna jáne Tayau Shyǵystaǵy AQSh áskerı nysandaryna jauap soqqylaryn jasap jatyr.
