Áleumettík jelílerde Iran aumaǵynda "qyshqyl jauyn" jauyp, Ortalyq Azıya elderíne jetuí múmkín degen aqparat tarady, – dep habarlaıdy aqshamnews.kz tílshísí.
Alaıda "Qazgıdromet" mamandary būl málímettíń shyndyqqa janaspaıtynyn málímdedí. Olardyń aıtuynsha, júrgízílgen baqylaular men ǵylymı derekter mūndaı habarlamalardy rastamaıdy.
Yaǵnı Iran aumaǵynda paıda bolyp, Ortalyq Azıyaǵa taraluy múmkín delíngen "qyshqyl būlttar" turaly aqparat eshqandaı ǵylymı dáleldermen nemese monıtorıng nátıjelerímen bekítílmegen.
Mamandardyń túsíndíruínshe, qyshqyl jauyn-shashyndar kóbíne atmosferaǵa ónerkásíp, energetıka jáne kólík salalarynan bólínetín kúkírt pen azot oksıdteríníń áserínen túzíledí.
Ádette mūndaı qūbylys lastaushy kózderge jaqyn ornalasqan aımaqtarda baıqalady. Al aua massalary ūzaq qashyqtyqqa taraǵan kezde būl zattardyń mólsherí atmosferadaǵy tabıǵı protsesterdíń áserínen aıtarlyqtaı azayady.
Monıtorıng nátıjelerí boıynsha Qazaqstan men Ortalyq Azıya baǵytynda mūndaı zıyandy zattardyń taralu belgílerí tírkelmegen. Osyǵan baılanysty mamandar tūrǵyndarǵa tek resmı meteorologıyalyq jáne ekologıyalyq qyzmetterdíń derekteríne súıeníp, tekserílmegen aqparatty taratpauǵa keńes beredí.
