Almaty oblysynda "Qarasora-2025" jedel-aldyn alý is-sharasy aıasynda polıseıler asa iri kólemdegi psıhotroptyq zattardy tasymaldaǵan kýrerdi ustady.
İshki ister mınıstrliginiń esirtki qylmysyna qarsy is-qımyl departamenti men oblystyq basqarma qyzmetkerleri Talǵar aýdanynda Volkswagen Jetta kóligin toqtatyp, 33 jastaǵy Almaty qalasynyń turǵynyn ustady.
Kólik salonyn tekserý kezinde aldyńǵy oryndyqtyń astynan erekshe ıisi bar sómke tabyldy. Kúdiktiniń turǵylyqty mekenjaıynda júrgizilgen tintý barysynda aq tústi untaq zat salynǵan oram, túrli-tústi tabletkalar, elektrondy tarazylar, oraý materıaldary men magnıtter tárkilendi.
Saraptama nátıjesinde bul zattardyń 200 gramnan astam 3-hlormetkatınon jáne 180 gramnan astam metılendıoksımetamfetamın (ekstazı) ekeni anyqtaldy. Tergeý barysynda kúdiktiniń osy jyldyń aqpan aıynan bastap ınternet-dúkenniń esirtki kýreri bolyp jumys istegeni, tólemdi krıptovalúta arqyly alǵany belgili boldy. Qazirgi ýaqytta kúdikti ýaqytsha ustaý ızolátoryna qamaldy. Esirtki jetkizý arnalary men qylmystyq syzbanyń basqa qatysýshylaryn anyqtaýǵa baǵyttalǵan keshendi is-sharalar júrgizilýde.