Qazaqstandyq mánerlep syrǵanaushy, Italıyada ótken Olımpıada oıyndarynyń chempıony Mıhaıl Shaıdorov ISU Skating Awards halyqaralyq syılyǵyna úmítkerler qataryna endí, – dep habarlaıdy aqshamnews.kz tílshísí.
Sports.kz basylymynyń málímetínshe, dauys beru tórt atalym boıynsha júrgízíledí: «Úzdík kostyum», «Oıyn-sauyq baǵdarlamasy», «Úzdík horeograf» jáne «Úzdík jattyqtyrushy».
Italıyadaǵy Olımpıada jeńímpazy Mıhaıl Shaıdorov 2026 jylǵy Olımpıadadaǵy erkín baǵdarlamadaǵy ónerí úshín «Úzdík kostyum» nomınatsıyasyna ūsynylǵan.
Basylymnyń jazuynsha, qazírgí tízím – aldyn ala long-lıst. Jankúıerlerdíń dauys beruí 18 nauryzǵa deıín jalǵasady. Sonyń nátıjesínde ár nomınatsıyada úsh fınalıst anyqtalady. Al jeńímpazdardyń esímí 29 nauryz kúní Pragada ótetín álem chempıonaty ayasyndaǵy bankette jarıyalanady.
Būl atalymda Shaıdorovtyń qarsylastary qatarynda amerıkalyq Ilya Malının, estonıyalyq Aleksandr Selevko, japonıyalyq Kaorı Sakamoto jáne basqa da sportshylar bar.
