Máskeudíń 31 jastaǵy tūrǵyny Dmıtrıı Zaıtsev būrynǵy jūbaıy odan kek alu maqsatynda ıntım fotolaryn taratyp jíbergenínmálímdedí. Er adamnyń aıtuynsha, onyń jeke suretterín 200-den astam adam kórgen, dep habarlaıdy Aqshamnews.kz tílshísí.
Baza málímetínshe, Dmıtrıı – Redliber baspasynyń būrynǵy kreatıv dırektory. Ol 30 jastaǵy Avgustına G.-men 2020 jyly ajyrasyp ketken. Bír jyldan keıín Avgustına er azamatqa hat jazyp, qarym-qatynastaryn qalpyna keltírudí sūraǵan, alaıda būl áreketí sátsíz bolǵan.
Osydan keıín ol Dmıtrıı kelísím bermese, onyń ıntımdík fotolaryn jarıyalaıtynyn aıtyp, qorqyta bastaǵan. Dmıtrıı būl sózge senbegenín aıtady. Alaıda kóp ūzamaı, onyń aıtuynsha, būrynǵy áıelí suretterdí tanystaryna, tuystaryna jáne áríptesteríne jíbergen.
Er adamnyń sózínshe, Avgustına mūnymen toqtamaǵan. Ol Dmıtrııdíń dostaryna, polıtsıyaǵa shaǵym jazyp, onyń otbasyna qauíp tóndírgen, áleumettík jelíde sońyna túsíp, qorlaıtyn vıdeolar jarıyalaǵan. Osydan keıín Dmıtrıı būrynǵy jūbaıyna ar-namysyn qorǵau turaly 10 mln rubl kólemínde talap jíbergen. Alaıda polıtsıya qylmys qūramyn tappaǵandyqtan, ístí qozǵaudan bas tartqan.
Avgustına «Baza» basylymyna bergen túsíníktemesínde Dmıtrııdíń nekede ózín bírneshe ret ūrǵanyn aıtty. Onyń sózínshe, ol būl jaıly tek ajyrasqannan keıín ashyq aıtuǵa sheshím qabyldaǵan. Al ıntımdík fotolardyń taraluy men qorqytu áreketteríne qatysty túsíník bermedí.