Almatynyń Nauryzbaı audanynda respublıkalyq referendumǵa ǵasyr jasaǵan tūrǵyn – Kámılá Qosumaeva qatysty. Bıyl ol 101 jasqa tolady, – dep habarlaıdy aqshamnews.kz tílshísí.
Jasyna qaramastan, Kámılá apa shóberesímen bírge saılau uchaskesíne kelíp, dauys beruge qatysty.
Kámılá Qosumaeva Ūly Otan soǵysy jyldary el ıgílígí úshín ter tókken buynnyń ókílí. Onyń aıtuynsha, ol el úshín mańyzdy oqıǵalardyń eshqaısysynan qalmauǵa tyrysady.
«Men árdaıym dauys beruge keluge tyrysamyn. Ár adam qatysyp, tańdau jasau kerek dep esepteımín», — dedí ol.
Uchaskede ǵasyr jasaǵan ájeníń keluí kópshílíkke erekshe áser qaldyrdy. Tūrǵyndar men komıssıya múshelerí onyń úlgísí aǵa buynnyń elge degen qūrmetí men jauapkershílígín kórsetetínín atap óttí.