Búgín tańerteń almatylyqtar qalanyń Qazaqstannyń mádenı astanasy ekendígín taǵy bír márte kórsettí. Referendum kúní Nauryzbaı audanyna qarasty Shūǵyla shaǵynaudanyndaǵy №562 saılau uchaskesínde tūrǵyndardy erekshe árí jyly atmosfera qarsy aldy, – dep habarlaıdy aqshamnews.kz tílshísí.
№200 mektep ǵımaratynda ornalasqan uchaskede saılaushylardy ūlttyq naqyshtaǵy kıím kıgen «Ájeler hory» qarsy aldy. Ánshí ájeler alǵashqy mınuttan-aq merekelík kóńíl kúı syılap, halyq ánderín oryndady. Sonymen qatar kelgen tūrǵyndardy quanysh pen berekeníń, aq tílektíń belgísí sanalatyn dástúrlí shashu rásímímen qarsy aldy.
Shashylǵan táttí-dámder men jınalǵan jūrttyń shat kúlkísí aınalany erekshe merekelík kóńíl kúıge bóledí. Shaǵynaudan tūrǵyndarynyń kópshílígí dauys beru kúníníń osyndaı jyly árí áserlí bastalaryn kútpegenín aıtty. Kópshílík hor múshelerímen bírge suretke túsíp, merekelík kóńíl kúı syılaǵandary úshín alǵys bíldírdí. Olardyń aıtuynsha, mūndaı bastamalar mańyzdy qoǵamdyq sharalardy halyqqa jaqyndatyp, shynaıy merekelík atmosfera qalyptastyrady.
Ūıymdastyrushylardyń aıtuynsha, sharanyń basty maqsaty – tūrǵyndarǵa kóteríńkí kóńíl kúı syılau ǵana emes, sonymen qatar qazaq halqynyń baı dástúrlerín nasıhattau. Osyndaı mańyzdy memlekettík oqıǵa – referendum kúní almatylyqtar ūlttyq qūndylyqtardy qadírleı otyryp, qonaqjaılyq dástúrín de aıqyn kórsettí.