Aqyn Ádílǵazy Qaıyrbekov Almatyda referendumda alǵashqylardyń bírí bolyp dauys berdí, – dep habarlaıdy aqshamnews.kz tílshísí.
Almatynyń Áuezov audanyndaǵy №624 referendum uchaskesínde belgílí aqyn, «Alash» halyqaralyq ádebı syılyǵynyń laureaty Ádílǵazy Qaıyrbekov alǵashqylardyń bírí bolyp dauys berdí.
Saılau uchaskesí Aqsaı-1 shaǵynaudanyndaǵy №133 jalpy bílím beretín mektepte ornalasqan. Tańnan bastap mūnda tūrǵyndardyń belsendílígí baıqalady: kópshílík otbasymen bírge kelíp, el úshín mańyzdy oqıǵaǵa qatysyp jatyr.
Aqynnyń aıtuynsha, saılau men referendumdarǵa qatysu — onyń ómíríndegí būrynnan qalyptasqan mańyzdy dástúr.
«Men barlyq saılau men referendumǵa qatysuǵa tyrysamyn. Óz elíníń bolashaǵyna beı-jaı qaramaıtyn ár adam úshín būl azamattyq míndet dep sanaımyn», — dedí Ádílǵazy Qaıyrbekov.
Ol mūndaı mańyzdy oqıǵalar qoǵamdy bíríktíríp, azamattarǵa ūstanymyn bíldíruge jáne memlekettíń damuyna úles qosuǵa múmkíndík beretínín atap óttí.