Almatyda áleumettík jelílerde tanymal jasandy ıntellekt keıípkerí – barys Ádílet saılau uchaskeleríníń bírínde referendumǵa sımvolıkalyq túrde «qatysty», – dep habarlaıdy aqshamnews.kz tílshísí.
Referendum kúní áleumettík jelílerde jańa beınerolık jarıyalandy. Onda keıípker saılau uchaskesíne kelíp, qarapaıym saılaushy júríp ótetín joldy kórsetedí. Būl beınejazba barys Ádílet qala tūrǵyndaryna aldaǵy dauys beru turaly aıtyp, referendum ótetín kúndí eske salyp, paıdaly aqparatpen bólísken beınerolıkter toptamasynyń qorytyndysy boldy.
Tsıfrlyq keıípkerdíń qatysuymen túsírílgen rolıkter qysqa uaqyt íshínde áleumettík jelílerde keń taraldy. Qoldanushylar beınení belsendí túrde bólísíp, aqparatty osyndaı erekshe formatta jetkízu tásílín talqylady.
Joba avtorlarynyń aıtuynsha, barys Ádílet audıtorıyamen, ásírese áleumettík jelílerdí belsendí paıdalanatyn jastarmen túsíníktí árí dostyq formatta baılanys ornatu úshín jasalǵan.
Barys Ádílettíń «dauys beruí» kórsetílgen fınaldyq rolık referendumǵa arnalǵan aqparattyq beınerolıkter serıyasynyń sońǵy bólímí boldy.