Vedomstvo kólík júrgízushíleríne tehnıkalyq baıqau, saqtandyru polısí jáne júrgízushí kuálígíníń merzímín uaqytyly tekserudíń mańyzyn eske saldy, – dep habarlaıdy aqshamnews.kz tílshísí.
"Qūrmettí jol qozǵalysyna qatysushylar! Íshkí íster mınıstrlígí qūjattaryńyzdy tekserudí keıínge qaldyrmaı, dál qazír qaraudy sūraıdy. Másele tek tehnıkalyq baıqau men saqtandyru polısíníń boluynda ǵana emes. Júrgízushí kuálígíníń jaramdylyq merzímín de tekseríńíz. Búgínde mūny bírneshe mınut íshínde onlaın árí kezeksíz jasauǵa bolady.
Būl jaı ǵana ereje emes. Būl – sízdíń jáne aınalańyzdaǵy adamdardyń qauípsízdígí. Tehnıkalyq baıqau – kólíktíń jaramdylyǵy. Saqtandyru polısí – jol-kólík oqıǵasy bolǵan jaǵdaıda múddeńízdí qorǵaıtyn qūjat. Avtomatty tírkeu kameralary mūndaı qūqyq būzushylyqtardy anyqtap jatyr. Būl sharalar jazalau úshín emes, táuekelderdíń aldyn alyp, ómírlerdí saqtauǵa baǵyttalǵan.
Qarapaıym talaptardy saqtau – būl sízdíń qauípsízdígíńízdíń, senímíńízdíń jáne joldaǵy tártíptíń kepílí. Zań men tártíp árqaısymyzdan bastalady", - dedí ÍÍM baspasóz hatshysy Shūǵyla Tūrlybek.