Keıíngí uaqytta áleumettík jelílerde “haıp” jasau jáne vıdeo jarıyalau maqsatynda tabıǵı jáne tarıhı nysandardy búldíru jaǵdaılary jıílep otyr. Mūndaı áreketter eldíń mádenı jáne tabıǵı mūrasyna zıyan keltíríp, zańmen kózdelgen jauapkershílíkke ákep soǵady, – dep habarlaıdy aqshamnews.kz tílshísí Polisia.kz-ke sílteme jasap.
Tabıǵı eskertkíshter, qoryqtar, ūlttyq parkter jáne tarıhı nysandar — Qazaqstan Respublıkasynyń ūlttyq qazynasy jáne memleket qorǵauynda. Jartastarǵa, eskertkíshterge jáne ózge de mádenı árí tabıǵı obektílerge jazu jazu, olardy zaqymdau – zań būzushylyqqa jatady.
Būl úshín jauapkershílík qarastyrylǵan. Qazaqstan Respublıkasy Qylmystyq kodeksíníń 294-babyna (Vandalızm) sáıkes, memleket qorǵauyndaǵy obektílerdí búldírgení úshín 100-den 2000 AEK-ge deıín aıyppūl salu, qoǵamdyq jūmystarǵa tartu, 50 táulíkke deıín qamau, bas bostandyǵyn shekteu nemese úsh jylǵa deıín bas bostandyǵynan aıyru jazasy kózdelgen. ÍÍM eske salady: óz elíńníń tabıǵaty, tarıhy jáne aınalaǵa qūrmet kórsetu – ár azamattyń míndetí.
Vandalızmníń kez kelgen kórínísí qatań qūqyqtyq baǵasyn alady, sebebí Zań men tártíp ár azamattyń jauapkershílígíne negízdelgen, al mūndaı qūqyq būzushylyqtar úshín qatań jaza bar.