ÍÍM júrgízushílerdíń masańdyǵyn tekserudíń jańartylǵan erejelerín túsíndírdí.
16 qyrkúıekten bastap júrgízushílerdíń masańdyǵyn tekserudíń erejelerí jańartyldy, - dep habarlaıdy Aqshamnews.kz.
Būl erejeler Ákímshílík qūqyq būzushylyq kodeksíníń 796-baby boıynsha júrgízíletín ákímshílík óndírístíń ayasynda ǵana qoldanylady. Būl norma basqaru qūqyǵynan uaqytsha aıyru jáne masań kúıde bolatyn júrgízushílerdí ǵana tekserudí kózdeıdí. Sondyqtan jańartylǵan erejeler tek kólík qūralyn basqarushylarǵa qatysty. Jayau júrgínshíler men jol júrísíníń basqa qatysushylaryna jańa talaptar engízílgen joq.
Sondaı-aq protseduranyń ózí būrynǵy qalpynda qalyp otyr - túpkílíktí ózgeríster joq.
Bír ǵana jańalyq - bekítílgen nysannyń túrí: būryn erejeler Úkímet qaulysymen bekítílgen bolsa, endí olar ÍÍM būıryǵy arqyly bekítíledí. Būl detsentralızatsıya jáne byurokratıyadan qūtylu sayasatynyń ayasynda jasaldy, osylaısha mūndaı qūjattardy qabyldau tártíbín ońaılatuǵa múmkíndík beredí. Sonymen qatar júrgízushí arnaıy qūraldarmen, máselen alkotestermen masańdyq dárejesín tekseruden bas tartuǵa nemese medıtsınalyq ūıymynda tekserudí jalǵastyruǵa qūqyly ekenín eske salamyz.
Óz kezegínde, masańdyqtan tekseruden jaltaru nemese bas tartu QR ÁQBtK-níń 613-babynyń 4-bólígínde kózdelgen ákímshílík ís júrgízudí qozǵau úshín negíz bolady.
