Qazaqstan, Qyrǵyzstan jáne Reseı Íshkí íster mınıstrlíkteríníń kıberpolıtsıyasy bírlesken operatsıya júrgízíp, TMD elderíníń azamattaryna qatysty ınternet-alayaqtyqpen aınalysqan transūlttyq qylmystyq toptyń qyzmetín toqtatty, - dep habarlaıdy Aqshamnews.kz Polisia.kz-ke sílteme jasap.
8 qyrkúıekte kúdíktí Bíshkekte qolǵa tústí. Onyń jalǵa alǵan páterín tíntu barysynda 32 slotty sım-boks, úshínshí tūlǵalarǵa tírkelgen 70-ten astam SIM-karta, IP-adres almastyruǵa arnalǵan qūrylǵylar, kompyuterler men telefondar tárkílendí.
Aldyn ala málímet boıynsha, kúdíktí zańsyz áreketterí úshín aptasyna 500 AQSh dollary kólemínde syıaqy alyp otyrǵan. Mūndaı tehnıka arqyly qylmyskerler bankter, memlekettík organdar men marketpleıster atynan jappaı jalǵan qońyraular men habarlamalar taratyp, azamattardyń qarajaty men jeke derekterín ıemdenudí kózdegen.
Jyl basynan berí Kıberqylmysqa qarsy ís-qımyl departamentí 77 sım-boksty jáne alayaqtar paıdalanǵan 90 myńǵa juyq SIM-kartany tárkíledí.
Eske salaıyq, 16 qyrkúıekten bastap droptardyń áreketí úshín jauapkershílík, onlaın-nesıe berudí shekteu jáne SIM-kartalardyń aınalymyn retteudí kózdeıtín jańa zań normalary kúshíne enedí.
