Reıtıng avtorlary elderdí 16 sanatqa bíríktírílgen 34 kórsetkísh boıynsha baǵalady, – dep habarlaıdy aqshamnews.kz tílshísí.
Amerıkalyq Remitly kompanıyasy daıyndaǵan Immigration Index 2026 halyqaralyq reıtıngínde TMD elderí arasynda Qazaqstan bírínshí orynǵa ıe boldy.
82 memlekettí qamtyǵan jalpy álemdík reıtıngte Qazaqstan 53-shí orynǵa jaıǵasyp, zertteuge engen aımaqtyń basqa elderínen ozyp kettí. Salystyru úshín aıtsaq, postkeńestík keńístíktíń basqa memleketterí reıtıngte elímízden keıín ornalasty, olardyń pozıtsıyalary tómendegídeı:
Moldova – 56-oryn;
Ázírbaıjan – 66-oryn;
Armenıya – 74-oryn;
Ózbekstan – 75-oryn.
Reseı, Belarus, Qyrǵyzstan, Tájíkstan jáne Ukraına zertteuge enbeı qalǵan.
t.me/toughbuthones
Reıtıng avtorlary elderdí 16 sanatqa bíríktírílgen 34 kórsetkísh boıynsha baǵalady. Olardyń qatarynda qauípsízdík deńgeıí, densaulyq saqtau men bílím beru sapasy, ekologıyalyq jaǵdaı, jūmysqa ornalasu múmkíndíkterí, ómír súru qūny, tūrǵyn úıdíń qoljetímdígí, qoǵamdyq kólíktíń damuy, otbasyn qoldau jáne írí mıgranttar qauymdastyqtarynyń boluy bar.
Álemdík reıtıngtíń kóshbasshysy – Shveıtsarıya.
Remitly kompanıyasy ındekstí jasau kezínde tek ekonomıkalyq kórsetkíshter ǵana emes, sonymen qatar ómír súrudíń jalpy sapasy, qauípsízdík, otbasylar úshín jaılylyq jáne mıgranttardyń ūzaq merzímdí ıntegratsıyalanu múmkíndíkterí eskerílgenín atap óttí.
Zertteuge sáıkes, qazírgí mıgranttar úshín ómír súru sapasy, qauípsízdík, medıtsınalyq qyzmetterge qoljetímdílík jáne ūzaq merzímdí bolashaq qūru múmkíndíkterí negízgí krıterııler bolyp qala beredí. Dál osy faktorlardyń jıyntyǵy boıynsha Qazaqstan 2026 jylǵy reıtıngte TMD-nyń eń úzdík elí atandy.