Olımpıada oıyndarynyń kúmís júldegerí, Qazaqstannyń Ūlttyq Olımpıadalyq komıtetíníń prezıdentí Gennadıı Golovkın World Boxing ūıymynyń prezıdentí bolyp saılanatyn boldy, dep habarlaıdy Aqshamnews.kz tílshísí ūıymnyń resmı saıtyna sílteme jasap.
World Boxing málímetínshe, Golovkın 2025 jyldyń 23 qarashasynda ótetín kongress kezínde akklamatsıya jolymen prezıdenttíkke bekítíledí. Sol sátte ol ókílettílíktí qazírgí prezıdent Borıs van der Vorsttan qabyldap alady.
Akklamatsıya — sheshím qabyldaudyń jeńíldetílgen rásímí. Ūıym habarlaǵandaı, Gennadıı Golovkınníń kandıdaturasyn táuelsíz syrtqy sarapshylardan tūratyn tekseru komıssıyasy qarap, saılauǵa qatysuǵa tolyq maqūldaǵan.
Aıta keteıík, World Boxing — 2023 jyly qūrylǵan halyqaralyq federatsıya. Ol Halyqaralyq Olımpıada komıtetímen jūmys ístep, boks sportyn Olımpıada baǵdarlamasyna qaıtarudy maqsat etedí. Būǵan deıín Halyqaralyq boks qauymdastysy (IBA) bírqatar dauly jaǵdaılardan keıín HOK tarapynan tanu mártebesínen aıyrylǵan bolatyn.
2025 jyldyń 25 aqpanynda HOK World Boxing ūıymyna boks sportyn álemdík deńgeıde basqaratyn halyqaralyq federatsıya retínde uaqytsha tanu bergen.