Qazaqstannyń tanymal boksshysy, kásípqoı rıngte álem chempıony atanǵan Gennadıı Golovkın 2026 jyly Halyqaralyq bokstyń Dańq zalyna (International Boxing Hall of Fame) engízíledí, - dep habarlaıdy Aqshamnews.kz ūıymnyń resmı saıtyna sílteme jasap.
AQSh-ta ornalasqan boks muzeıí jyl saıyn kásípqoı boksta erekshe jetístíkke jetken úsh sportshyny marapattaıdy. Bıyl olardyń qatarynda 43 jastaǵy Golovkın bar. Ol – Dańq zalynda esímí jazylatyn alǵashqy qazaqstandyq. Būǵan deıín postkeńestík elderden tek aǵaıyndy Vladımır jáne Vıtalıı Klıchko, sondaı-aq Kostya Tszyu ǵana būl mártebege ıe bolǵan.
Dańq zalynda álemníń áıgílí boksshylary — Mūhammed Alı, Maık Taıson, Floıd Meıvezer, Oskar De La Hoıya, Lennoks Lyuıs jáne Mennı Pakyao sekíldí chempıondardyń esímderí de bar.
Golovkın 2022 jylǵa deıín orta salmaqta (72,5 kg) IBF, IBO jáne WBA nūsqalary boıynsha álem chempıony boldy. Kásípqoı mansabynda 42 jeńís, bír teń esep jáne ekí jeńílís tírkegen. Áuesqoı boksta 2002 jylǵy álem chempıony, 2004 jylǵy Afına olımpıadasynyń kúmís júldegerí atandy.
Aıta keteıík, 2024 jyldan bastap Golovkın Qazaqstannyń Ūlttyq olımpıada komıtetín basqaryp keledí. Jaqynda ol áuesqoı bokstaǵy World Boxing ūıymynyń prezıdentí bolyp saılandy.