Almatyda qalyń qarǵa baılanysty kommunaldyq qyzmet kúsheıtílgen rejımde jūmys ístep jatyr, – dep habarlaıdy aqshamnews.kz tílshísí.
Almatyda 10 nauryz keshten bastap qar tolassyz jauyp jatyr. Qar jaua bastaǵan sátten bastap qaladaǵy kommunaldyq qyzmet kúsheıtílgen jūmys tártíbíne kóshíríldí. Negízgí míndet – kóktaıǵaqtyń paıda boluyna jol bermeu jáne jol qozǵalysynyń qauípsízdígín qamtamasyz etu.
Búgín jūmysqa 75 jedel brıgada, 2710 jol salasy jūmysshysy jáne 1225 tehnıka tartylǵan. 200-den astam jol tazalaıtyn tehnıka jolǵa kóktaıǵaqqa qarsy arnaıy materıaldar seuíp jatyr. Sebu jūmystary bítken soń tehnıka 28 brıgadaǵa bólíníp, kóshelerdí tazalau jūmystaryna kírísedí.
Qalalyq qyzmetterdíń málímetínshe, qazírdíń ózínde shamamen 3-4 sm qar jauǵan. Qazírgí uaqytta joldarǵa úshínshí ret qūm-tūz qospasy sebílíp jatyr. Būl sharalar kóktaıǵaqtyń aldyn aluǵa múmkíndík beredí. Sınoptıkterdíń boljamynsha, tańerteń aua temperaturasy −5 gradusqa deıín tómendeıdí.
Qala tūrǵyndaryna barynsha saq bolu eskertíledí: júrgízushílerge jyldamdyqty tómendetíp, araqashyqtyq saqtauǵa, al júrgínshílerge trotuarlarda abaı boluǵa keńes beríledí.
Almatyda qalyń qarǵa baılanysty kommunaldyq qyzmet kúsheıtílgen rejımde jūmys ístep jatyr
