Jelíde 10 jastaǵy Yqylastyń súıíktí "Qaırat" klubynyń formasyn qara jeıde men skoch arqyly ózí jasap jatqan vıdeosy tarady. Túrkístandyq balaqaıdyń jankúıerlígíne búkíl el tántí boldy. Yqylastyń anasy Baqytgúl aqshamnews.kz tílshísíne eksklyuzıv sūhbat berdí.
"Forma áperíńder" dep sūramady"
Yqylas – 5-synyp oqushysy. Ol tarıhı match aldynda ata-anasynan forma sūramaı-aq, súıíktí komandasy "Qaırattyń" jeıdesín qoldan jasap shyqty. Anasy Baqytgúldíń aıtuynsha, ūly dúkenge baryp sary tústí skoch satyp alyp, qara futbolkaǵa óz qolymen japsyrǵan.
"Balam bízden "jeıde áperíńder" dep sūramady. Ózí oılap tauyp, jasap shyqty. Bízge de tosynsyı boldy", – deıdí ol.
Futbolǵa degen otbasylyq mahabbat
Yqylastyń áuletínde futbolǵa degen mahabbat erekshe. Ákesí de, aǵaıyndary da kezínde sportpen aınalysqan. Al balanyń kumırí – Dastan Sátpaev.
"Ūlym bala kezden futbolǵa áues. Dastan Sátpaevtyń ár qımylyna mán beredí, onyń jankúıerí", – deıdí anasy.
Armandarǵa aparar jol
Qarapaıym skochtan jasalǵan forma – úlken armannyń bastauy. Kíshkentaı jankúıerdíń eńbegí búkíl eldíń nazaryn audaryp, kóptíń júregín jylytty.
