EHRO-2020 DUBAI kórmesínde Qazaqstannyń ūlttyq pavılony óz jūmysyn bastady
Onyń ashylu rásímíne Qazaqstannyń Bíríkken Arab Ámírlíkteríndegí tótenshe jáne ókílettí elshísí Madıyar Meńílbekov, QazExpoCongress ūlttyq kompanıyasynyń basqarma tóraǵasy, EHRO-2020 kórmesíndegí Qazaqstan sektsıyasynyń bas komıssary Allen Shaıjúnísov, Halyqaralyq kórmeler byurosynyń prezıdentí Djaı-Chul Choı, kórmege qatysushy elderdíń bas komıssarlary men EHRO-2020 ūıymdastyru komıtetíníń basshylyǵy qatysty, dep habarlaıdy Almaty-akshamy.kz.
Ashylu saltanatyna deıín pavılondy alǵash bolyp Bíríkken Arab Ámírlíkteríníń vıtse-prezıdentí, Premer-Mınıstrí, Dubaı bıleushísí sheıh Mūhammed ben Rashıd Ál Maktum aralap kórdí.
Madıyar Meńílbekovtíń aıtuynsha, ūlttyq pavılonda Qazaqstannyń ınvestıtsıyalyq, turıstík áleuetí, sayası-ekonomıkalyq jetístíkterí pash etílgen. 2017 jyly mamandandyrylǵan EHRO-2017 kórmesín ūıymdastyrǵan Nūr-Sūltan qalasynyń da damu múmkíndíkterí kópshílík nazaryna ūsynylǵan.
Kórme ayaqtalǵansha Qazaqstan pavılonyn 1 mln-ǵa juyq adam tamashalaıdy dep kútílude.
Pavılonnyń kíre berísínde Qazaqstannyń «Shejíre» aǵashy beınelengen. Túrlí etnostardyń tarıhı baılanysy men Ūly Dala kóshpendíleríníń álem halqynyń genetıkasyna qosqan úlesí turaly bayandalady. Sonymen qatar bírínshí qabatta elímízdíń turıstík áleuetí pash etílgen. Onda qazaq jeríníń kórkem landshafttary men tabıǵı resurstary, baı tarıhy, mádenıetí men dástúrí kórsetílgen.
Future Now aımaǵy qonaqtardyń qyzyǵushylyǵyn tudyruda. Mūnda Brixel Mirror kınetıkalyq art-qondyrǵysy ūsynylǵan. Būl tsıfrlyq dıspleı sekíldí jūmys ísteıtín baǵdarlamalanǵan qozǵalmaly moduldík bloktar. Atalǵan aımaqta túrlí ınteraktıvtí elementter arqyly bírqatar salalardy qamtıtyn Vision Machine ınstallyatsıyasy ornalasqan. Mūnda ınnovatsıyalyq qala qūrylysy, jasandy ıntellekt, bolashaqtyń kásípterí, tūraqty agroónerkásíp, qorshaǵan ortany qorǵau, aeroǵarysh ónerkásíbí sekíldí baǵyttardaǵy Qazaqstannyń áleuetímen tanysuǵa bolady.
Búkílálemdík EXPO-2020 Dubai kórmesí ayasynda Qazaqstannyń ūlttyq pavılony alańynda bízdíń eldíń resmı tūlǵalarynyń, sondaı-aq memlekettík organdardyń, kvazımemlekettík jáne jeke sektorlar ókílderíníń qatysuymen 25 ískerlík ís-shara ótkízu josparlanǵan. Ískerlík ís-sharalar sheńberínde konferentsıyalar, forumdar, B2B kezdesuler ótkízíledí. Onyń íshínde eldíń ınvestıtsıyalyq jáne turıstík áleuetí boıynsha tanystyrylymdar, ǵylymı jáne bílím beru jobalary, kreatıvtí sheshímder, sondaı-aq Qazaqstannyń áleuettí jobalary men qazírgí zamanǵy ázírlemelerí ūsynylady. Atalǵan ís-sharalardyń qorytyndysy boıynsha yntymaqtastyq turaly sharttar men kelísímderge qol qoıylady. Óz kezegínde mūnyń el ekonomıkasyn damytudaǵy multıplıkatıvtík áserí zor bolmaq.
Qazaqstannyń ūlttyq pavılony «Múmkíndíkter» salalyq klasterínde oryn tepken. Ol Bíríkken Arab Ámírlíkterí, AQSh, Shveıtsarıya, Lyuksemburg, Qytaı Halyq Respublıkasy, Italıya jáne Belarus memleketteríníń ūlttyq pavılonyna jaqyn ornalasqan.
Eske sala keteıík, EXPO-2020 DUBAI kórmesí 2021 jyldyń 1 qazany men 2022 jyldyń 31 nauryzy aralyǵynda ótedí. Auqymdy shara byltyr ótuí kerek edí. Alaıda koronavırus pandemıyasyna baılanysty onyń merzímí shegeríldí. Tańdalǵan taqyryp – «Aqyl-oıdy bíríktíre otyryp, bolashaqty qalyptastyru». EHRO-2020 úsh salalyq taqyrypqa bólíngen – «Múmkíndíkter», «Mobıldílík» jáne «Tūraqty damu». Oǵan álemníń 192 elí qatysuda. Kórmení shamamen 25 mln adam tamashalaıdy dep kútílude. Olardyń 20 paıyzyn bıznes ókílderí qūramaq. 182 kúnge sozylatyn sharaǵa kelushílerdíń 70 paıyzy sheteldík turıster bolmaq. Kórmeníń jalpy aumaǵy 438 gektar jerdí alyp jatyr. Ol Dubaı men Abu-Dabı qalalarynyń aralyǵynda ornalasqan.