Keshe Europalyq Keńes prezıdentí Antonıu Koshta Memleket basshysymen kelíssóz júrgízu úshín Aqordaǵa keldí. Mártebelí meımandy Qasym-Jomart Toqaev kútíp aldy, - dep habarlaıdy aqshamnews.kz tílshísí.
"BŪŪ Jarǵysyn jáne halyqaralyq qūqyq qaǵıdattaryna negízdelgen tártíptí dáıektí túrde qorǵap kele jatqan Qazaqstan tarapyna alǵys aıtamyz. Sondaı-aq Qazaqstannyń óńírlík tūraqtylyqty qamtamasyz etudegí belsendí árí konstruktıvtí áreketín, atap aıtqanda, Sízdíń Armenıya men Ázerbaıjan arasyndaǵy qaqtyǵysty retteuge kórsetken qoldauyńyzdy qūptaımyz. Beıbít árí órkendegen Ońtústík Kavkaz Europa men Ortalyq Azıya arasyndaǵy baılanystardy tereńdetude asa mańyzdy ról atqarady", - dedí ol.