Prodyuser Bayan Alagózova jurnalıst Dana Nūrjígítke bergen sūhbatynda on jyl būryn Qazaqstannyń halyq ártísí Maqpal Júnísova turaly fılm túsírudí josparlaǵanyn, alaıda ánshí ūsynystan bas tartqanyn aıtty, - dep habarlaıdy Aqshamnews.kz.
Alagózovanyń aıtuynsha, ol Júnísovadan ómír jolyn ekranda kórsetuge rūqsat sūraǵan.
"Maqpal, sízdíń taǵdyryńyzdy fılmge túsírgím keledí dedím. On jyl būryn bolǵan jaǵdaı. Ol kezde de, qazír de būl ońaı emes ekenín túsínemín. Bíraq bír kúní síz turaly úlken ekranǵa shyǵaratyn dúnıe jasaǵym keletínín aıttym. Sonda ol: “Maǵan eshteńe kerek emes. Eshkímge eshteńe bermeımín. Memuardyń da qajetí joq” dep jauap berdí", – dedí prodyuser.
Ol ánshíní kóz tírísínde baǵalau qajettígín atap óttí.
"Bíz kóbíne adam tírí kezínde synap, ketken soń ǵana “qandaı jaqsy edí” dep aıtatyn qoǵambyz. Sol sebeptí talantty jandardy bar kezde qadírleıík", – dep túıíndedí Alagózova.
Eske salaıyq, būǵan deıín Maqpal Júnísova áleumettík jelídegí paraqshasynda Bayan Alagózovaǵa úndeu jasap, marqūm kompozıtor Arman Dúısenovtíń otbasyna úı alyp beruge kómektesuín sūraǵan bolatyn.