Áleýmettik jelide almatylyq júrgizýshiniń kóligimen Esentaı ózeninde júrgen sáti túsirilgen vıdeo tarady, dep habarlaıdy aqshamnews.kz
Kýágerlerdiń aıtýynsha, ol kóligin sý arnasyna aıdap kirip, tóbesine zańsyz ornatylǵan shamdy qosyp júrgen. Sondaı-aq avtokólikte memlekettik nómir bolmaǵan, dep jazady inbusiness.kz saıty.
Almaty polısıa departamenti bul áreketti birden birneshe zań buzýshylyqqa jatqyzdy: ruqsat etilmegen jaryq quralyn paıdalaný, memlekettik nómirsiz júrý jáne sý arnasyna kólikpen kirý.
– Qaýipsizdikke qater tóndiretin mundaı quqyqbuzýshylyqtarǵa jol berilmeıdi. Júrgizýshi barlyq anyqtalǵan derek boıynsha jaýap beredi. Polısıa turǵyndardy zań men jol júrý erejelerin saqtaýǵa shaqyrady, – dedi qalalyq PD jergilikti polısıa qyzmeti basqarmasy bastyǵynyń orynbasary Tımýr Noǵaıbaev.
Qazirgi tańda oqıǵa boıynsha tekserý júrgizilýde.