KAZ Minerals kompanıyasyna qarasty Artemev shahtasynda jūmysshy qaza tapty, dep habarlaıdy Aqshamnews.kz tílshísí.
Kompanıyanyń baspasóz qyzmetí málím etkendeı, qaıǵyly oqıǵa 30 mamyr kúní saǵat 20:30 shamasynda TOO «Vostoktsvetmet»-tíń Artemev shahtasynda bolǵan. Tau jynysynyń opyrylyp túsuí saldarynan kásíporyn qyzmetkerí kóz jūmdy.
Oqıǵa bolǵan uchaskedegí barlyq jūmys dereu toqtatylǵan.
«Qazír qaıǵyly jaǵdaıdyń mán-jaıy men sebepterí qūzyrly mamandardyń jáne uákílettí organdar ókílderíníń qatysuymen tekserílíp jatyr», – delíngen kompanıya habarlamasynda.
Aıta keteıík, būl – mamyr aıynyń basynan berí osy shahtada tírkelgen ekínshí qaıǵyly jaǵdaı. Būǵan deıín 9 mamyr kúní Artemev shahtasynda shań-jeldetu qyzmetíníń mehanıgí qaza tapqan edí.