Memleket basshysynyń «Taza Qazaqstan» respublıkalyq bastamasy ayasynda Alma-Arasan shatqalynda «AMANAT» partıyasy, onyń «Jastar Ruhy» jastar qanaty jáne Almaty qalasy Bílím basqarmasynyń ūıymdastyruymen auqymdy ekologıyalyq aktsıya óttí, – dep habarlaıdy aqshamnews.kz tílshísí.
Ís-sharaǵa kolledj studentterí, eríktíler, eko-belsendíler, jastar ūıymdarynyń múshelerí jáne belsendí qala tūrǵyndary qatysyp, jalpy sany 300-den astam jasty qamtydy. Qatysushylar Almaty qalasynyń eń tanymal tabıǵı oryndarynyń bírí – Alma-Arasan shatqalynyń aumaǵyn tūrmystyq qaldyqtardan tazartyp, tabıǵatty qorǵau ísíne óz úlesterín qosty.
Aktsıya qorshaǵan ortany tazartuǵa baǵyttalǵan naqty qadam ǵana emes, sonymen qatar jastar arasynda ekologıyalyq mádenıettí qalyptastyruǵa jáne tabıǵatqa degen jauapkershílíktí arttyruǵa baǵyttalǵan mańyzdy bastama boldy.
«AMANAT» partıyasy Almaty qalalyq fılıaly tóraǵasynyń orynbasary Quanysh Tólepovtíń aıtuynsha, ekologıyalyq bastamalar partıya qyzmetíníń mańyzdy baǵyttarynyń bírí bolyp tabylady.
«AMANAT» partıyasy ekologıyalyq mádenıettí qalyptastyruǵa jáne qorshaǵan ortaǵa jauapkershílíkpen qaraudy nasıhattauǵa baǵyttalǵan bastamalardy júıelí túrde qoldap keledí. Búgínde jastardy qoǵamǵa paıdaly naqty ísterge tartu asa mańyzdy. Osyndaı aktsıyalar tabıǵı aumaqtardyń tazalyǵyn saqtauǵa ǵana emes, sonymen qatar jastardyń azamattyq belsendílígín arttyryp, tuǵan jerge degen janashyrlyq pen jauapkershílík sezímín qalyptastyruǵa yqpal etedí», – dedí Quanysh Tólepov.
Ekologıyalyq aktsıya «Taza Qazaqstan» jalpyūlttyq bastamasy ayasynda ótkízílíp, azamattardyń ekologıyalyq jauapkershílígín arttyruǵa jáne qorshaǵan ortaǵa ūqypty qarau mádenıetín nyǵaıtuǵa baǵyttaldy.
Aıta ketu kerek, ekologıyalyq baǵyt «AMANAT» partıyasy jūmysynyń basym baǵyttarynyń bírí bolyp tabylady. Partıyanyń bastamasymen Almaty qalasynyń barlyq audanynda tūraqty túrde «Taza beısenbí» aktsıyasy ótkízílíp keledí. Onyń ayasynda partıya múshelerí, belsendíler, máslıhat deputattary men qala tūrǵyndary qoǵamdyq keńístíkterdí abattandyruǵa, aumaqtardy tazalauǵa jáne kógaldandyru jūmystaryna belsendí qatysuda.
Alma-Arasan shatqalynda ótken ekologıyalyq aktsıya partıyanyń «Taza Qazaqstan» bastamasyn qoldau jáne qoǵamda ekologıyalyq mádenıettí qalyptastyru baǵytyndaǵy júıelí jūmysynyń jalǵasy boldy.