Memleket basshysy Qasym-Jomart Toqaev Sayası quǵyn-súrgín jáne asharshylyq qūrbandaryn eske alu kúníne baılanysty úndeu jarıyalady, dep habarlaıdy Aqshamnews.kz tílshísí Aqordaǵa sílteme jasap.
Prezıdent 31 mamyrda qazaq halqy ótken ǵasyrdyń bírínshí jartysynda sayası quǵyn-súrgín qūrbany bolǵan azamattardyń ruhyna taǵzym etetínín atap óttí.
«Olardy jadymyzda saqtau, zańdylyq qaǵıdaty men ádíldík qūndylyqtaryna adal bolu – bízdíń qasterlí boryshymyz», – dedí Qasym-Jomart Toqaev.
Memleket basshysynyń aıtuynsha, Qazaqstanda azamattardyń qūqyqtary men bostandyqtaryn jan-jaqty qorǵauǵa baǵyttalǵan júıelí jūmys júrgízílíp jatyr. Būl míndet 15 nauryzdaǵy jalpyūlttyq referendumda qabyldanǵan Konstıtutsıyada zań júzínde bekítílgen.
Prezıdent eldíń ozyq oıly qoǵam qūru jolyna bet būrǵanyn aıtyp, Ádíldík, Zańdylyq, Otanshyldyq, Eńbekqorlyq jáne Tabıǵatqa súıíspenshílík qaǵıdattarynyń mańyzy arta túsetínín jetkízdí. Sonymen qatar ǵylymdy, joǵary tehnologıyalardy, mádenıettí jáne eríktíler qozǵalysyn damytuǵa basymdyq beríletínín atap óttí.
«Qazaqstannyń bolashaǵy árdaıym jarqyn bolmaq! Men būǵan kámíl senemín», – dedí Prezıdent