QR Parlamentí Májílísíníń deputaty, «AMANAT» partıyasy fraktsıyasynyń múshesí Erlan Saırov «Ádílettí jáne Progressıvtí Qazaqstannyń Halyqtyq Konstıtutsıyasy úshín!» Jalpyūlttyq koalıtsıyasynyń alǵashqy jıynynda málímdedí.
Deputattyń aıtuynsha, Memleket basshysy Qasym-Jomart Toqaev bılíkke kelgen kúnnen bastap elímízdí odan árí demokratıyalandyru ísín aıqyndaǵanyn atap óttí.
«Prezıdent plyuralızmdí damytuǵa yqpal etudí óz míndetí sanaıtynyn aıtqan edí. Būl sayası ūstanym búgínge deıín dáıektí túrde júzege asyrylyp keledí. Elímízdegí sayası júıení jetíldírudíń salmaqty árí evolyutsıyalyq joly naqty nátıje beríp otyr. Būl qūjatta bılíktíń halyq aldyndaǵy jauapkershílígí aıqyn kórínís tapty», – dedí Erlan Saırov.
Deputat sayası damu men ekonomıkalyq serpín tūraqtylyqpen tíkeleı baılanysty ekenín atap óttí.
Onyń píkírínshe, geosayası tūraqsyzdyq jaǵdaıynda mūndaı konstıtutsıyalyq negíz erekshe mańyzǵa ıe. Deputat jańa qūjatta Qazaqstan Ūly Dala órkenıetíníń mūragerí ekení alǵash ret belgílengenín atap óttí. Sonymen qatar ol álemdík konstıtutsıonalızm tarıhynan mysal keltíre otyryp, zańnyń, eń aldymen búgíngí buynnyń múddesíne qyzmet etuí kerek ekenín eske saldy. Erlan Saırovtyń aıtuynsha, jańa Konstıtutsıya jobasy óskeleń ūrpaqtyń sayası múddesí tūrǵysynan jazylǵan.
Eske sala keteıík, búgín Astanada Konstıtutsıyalyq reformany qoldau maqsatynda «Ádílettí jáne Progressıvtí Qazaqstannyń Halyqtyq Konstıtutsıyasy úshín!» dep atalatyn jalpyūlttyq koalıtsıyasy qūryldy. Onyń qūramyna elímízdegí sayası partıyalar, qoǵamdyq ūıymdar, deputattar, zıyaly qauym ókílderí, jastar bírlestíkterí, kásípodaq ūıymdary jáne taǵy basqalar kírdí.
