Áleumettík jelílerde Shymkentte kámeletke tolmaǵan qyzdyń ūrlanyp, zorlanǵany turaly aqparat tarady. Polıtsıya tergeudí bastady, - dep habarlaıdy aqshamnews.kz tílshísí.
Áleumettík jelílerde aıqaılaǵan qyzdy kólíkten súırep shyǵaryp jatqan sáttíń vıdeosy jarıyalandy. Kólíktíń mańyna kóp er adam men áıelder jınalǵan, olardyń bíríníń qolynda aq oramal bar.
Jazbada Shymkentte kámeletke tolmaǵan qyz ózín ūrlap, erkínen tys bóten úıge alyp barǵanyn aıtqan. Kúdíktíníń tuystary ony qaluǵa úgíttegen, al qyz bas tartqanda óz qolymen eshqandaı shaǵymy joq ekení turaly hat jazuǵa májbúrlegen kórínedí.
Jábírlenushíníń aıtuynsha, oqıǵadan keıín eshkím jauapqa tartylmaǵan.
Shymkent Polıtsıya departamentí qala tūrǵynynyń aryzy boıynsha qylmystyq ís qozǵalǵanyn málímdedí.
"Ístíń barlyq mán-jaıyn anyqtau úshín qajettí tergeu sharalary keshení júrgízílíp jaty", – dedí vedomstvo ókílderí.
Eske salaıyq, adamnyń erkíne qarsy nekege tūrǵyzu maqsatynda ūrlau, sondaı-aq nekege tūruǵa nemese bírge tūruǵa májbúrleu úshín qylmystyq jauapkershílíktí kózdeıdí.