Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın memlekettik qyzmet kórsetý prosesterin jaqsartý boıynsha jasalyp jatqan jumystar týraly aıtyp berdi, dep habarlaıdy almaty-akshamy.kz
Búgingi kúni memlekettik qyzmetterdiń 90%-y elektrondyq nusqada qoljetimdi. Ol - 690 memqyzmettiń 624-i. Biraq qazir osy elektrondyq qyzmetterdiń sapasy boıynsha jumys isteımiz. Iaǵnı tutynýshylar qyzmetterdi nege elektrondy túrde almaı, HKO-ǵa júginedi? Osy máselelerdi zerttep, onlaın qyzmetterdiń sapasyn jaqsartyp jatyrmyz, - dedi mınıstr.
Aıtýynsha, memlekettik qyzmetterdi alýdyń birneshe tásili bar:
- Halyqqa qyzmet kórsetý ortalyqtary arqyly;
- eGov, eGov mobile qosymshasy;
- Memlekettik organdardyń, mınıstrlik pen ákimshilikter arqyly.
Memlekettik qyzmetterdiń alýdy yńǵaıly etý úshin bankterdiń qosymshasy arqyly avtokólikterdi tirkeý qyzmetteri qoljetimdi. Basqa da qosymshalarda memlekettik qyzmetterdi alýǵa bolady, - dep atap ótti Baǵdat Mýsın Májiliste.
eGov mobıldi qosymshasy sıfrlyq qujattar qyzmetin júzege asyrady, onda elektrondy formatta 18 qujat túri bar. Qazirgi ýaqytta 5,3 mıllıon qazaqstandyq «Sıfrlyq qujattar» qyzmetin paıdalanady.