Memlekettík qoldau sharalarynyń nysanaly árí ashyq boluyn qamtamasyz etu úshín pılottyq rejımde "Áleumettík ámıyan" jobasy engízíldí, dep habarlaıdy aqshamnews.kz
Būl turaly Tsıfrlyq damu, ınnovatsıyalar jáne aeroǵarysh ónerkásíbí mınıstrí Jaslan Mádıev málímdedí.
Mınıstrdíń aıtuynsha, jobadaǵy alǵashqy baǵyt – oqushylardy tegín jáne jeńíldetílgen tamaqpen qamtamasyz etu.
6 943 memlekettík orta bílím beru mektebíníń íshínde qazírgí tańda 2 369 mektep zamanauı avtomattandyrylǵan baqylau punktterímen (ABP) tolyq jabdyqtaldy. Al 3 950 mektepte, jobalyq quattylyqty eskere otyryp, “Bıznes ámıyan” engízíldí. Būl oqushylarǵa ystyq tamaq jetkízíluín esepke alu jáne baqylau úshín engízílgen arnaıy qosymsha, – deıdí Jaslan Mádıev.
Mádıev atap ótkendeı, eGov Mobile qosymshasyndaǵy "Áleumettík ámıyan" servısí arqyly ata-analar balasynyń ystyq tamaq alǵanyn naqty uaqyt rejımínde tekseríp, mázírdí kóre alady jáne píkír qaldyra alady.
Bolashaqta joba myna baǵyttardy qamtıdy:
• mektepke deıíngí, orta jáne qosymsha bílím beru qyzmetterí;
• lagerlerge joldamalar;
• jataqhanalardaǵy oryndar jáne memlekettík qoldaudyń basqa da túrlerí.