Eńbekpen qamtu kórsetkíshterí joǵary.
2021 jyldyń 6 aıynda «Eńbek» memlekettík baǵdarlamasyna 347 myńnan astam adam qatysty, dep habarlaıdy Almaty-akshamy.kz.
«Bıylǵy 1 shíldedegí jaǵdaı boıynsha, 347,4 myń adam nátıjelí jūmyspen qamtudy jáne jappaı kásípkerlíktí damytudyń 2017-2021 jyldarǵa arnalǵan «Eńbek» memlekettík baǵdarlamasynyń (būdan árí – «Eńbek» memlekettík baǵdarlamasy) qatysushylary boldy. 253,6 myń adam jūmysqa ornalastyryldy, onyń 141,5 myńy tūraqty jūmysqa tūrdy»,– delíngen Eńbek jáne halyqty áleumettík qorǵau mınıstrlígíníń habarlamasynda.
Baǵdarlamanyń bírínshí baǵyty ayasynda qysqa merzímdí kurstarǵa 12 myń adam jíberíldí.
3,6 myńnan astam adam óz ísín ashu úshín jeńíldíktí mıkrokredıtter, al 15 myńy qaıtarymsyz memlekettík granttar aldy.
Subsıdıyalanatyn jūmys oryndaryna 126,7 myń adam jūmysqa ornalastyryldy, onyń íshínde: áleumettík jūmys oryndaryna 15,3 myń adam; jastar praktıkasyna – 11,3 myń adam; qoǵamdyq jūmystarǵa – 100,1 myń adam.
Eńbek resurstarynyń ūtqyrlyǵy sheńberínde 967 otbasy nemese 3 102 adam qonys audardy, onyń íshínde 1 346 adam eńbekke qabílettí jasta bolyp tabylady. Onyń íshínde 906 adam jańa tūrǵylyqty jerínde tūraqty jūmysqa ornalastyryldy jáne 60 adam kásípkerlík qyzmetpen aınalysady.
Aıta keteıík, 2020 jyly «Eńbek» memlekettík baǵdarlamasyna 649 myń adam qatysty. 437,3 myń adam jūmysqa ornalastyryldy, onyń 319,2 myńy tūraqty jūmysqa tūrdy. Jappaı kásípkerlíktí damytuǵa 12,7 myń mıkrokredıt jáne jańa bıznes-ıdeyalardy íske asyruǵa 44,9 myń qaıtarymsyz memlekettík grant beríldí. Qysqa merzímdí oqytu kurstaryna 18,7 myń adam jíberíldí.
Al TjKB ūıymdarynda oqytumen 18,4 myń adam qamtyldy. Būdan basqa, eńbek resurstarynyń ūtqyrlyǵyn arttyru sheńberínde jūmys kúshí artyq óńírlerden qūramynda 5,8 myń adam bar 1,8 myń otbasy qonys audardy.