Almaty qalasynyń jūmys berushílerí elektrondy portaldyń kómegímen qyzmetkerlerdí belsendí ízdestírude jáne halyqty jūmyspen qamtu ortalyǵy qala tūrǵyndaryn jūmysqa qabyldauǵa daıyn.
Būl turaly Óńírlík kommunıkatsıyalar qyzmetíníń baspasóz konferentsıyasy barysynda vedomstvo basshysy Dılyara Imanqūlova aıtty, dep habarlaıdy Almaty-akshamy.kz.
«Osy jyly halyqty jūmyspen qamtu ortalyǵy zeınetkerlík jasqa deıíngí 500-den astam qala tūrǵynyna jáne 1 600-den astam múmkíndígí shekteulí almatylyqtarǵa jūmys tabuǵa kómektestí», - dedí Dılyara Imanqūlova.
Almaty qalasynyń halyqty jūmyspen qamtu ortalyǵynyń basshysy qazírgí uaqytta «Eńbek» baǵdarlamasy boıynsha nátıjelí jūmyspen qamtudy jáne kásípkerlíktí damytudy júzege asyryp jatqanyn aıtty. Joba ayasynda «Jastar praktıkasy» ótkízíledí. Sonyń arqasynda JOO men kolledj túlekterí tańdaǵan mamandyǵy boıynsha alǵashqy jūmys tájírıbesín alady.
«Qala ákímí Baqytjan Saǵyntaevtyń tapsyrmasy boıynsha jastar praktıkasyna qatysushylardyń jalaqysy 25 AEK-ten 69 450 teńgeden 35 AEK-ke deıín óstí jáne salyq esebímen 102 myń teńgení qūraıdy. Bízdíń jūmyspen qamtu ortalyǵynyń mamandary jastardyń jūmysqa ornalasuy kezínde tuyndaıtyn bírqatar máselelerdí sheshuge kómektesedí, atap aıtqanda, qajettí jūmys tájírıbesín aluǵa múmkíndík beredí», – dedí Dılyara Imanqūlova.
Jūmys ízdeu taqyrybyn jalǵastyra otyryp, spıker qazírgí uaqytta jūmyssyzdar jūmyspen qamtu ortalyǵyna júgínbeı, Enbek elektrondyq bırjasyna júgíne alatynyn aıtty. Būl jūmys ízdeu men personaldy íríkteuge járdemdesu úshín jūmysqa ornalastyru boıynsha bíryńǵaı tsıfrlyq alań. Bos jūmys oryndary men jūmys ízdeushíler turaly aqparat kún saıyn jańartylyp otyrady.
«Bízdíń jūmyspen qamtu ortalyǵynda jūmys berushílerdí qoldau bólímí jūmys ísteıdí, onyń qyzmetkerlerí Almaty qalasynyń jūmys berushílerímen baılanysty. Aıta ketsek, búgínde «Enbek» bazasynda jūmyssyzdardy jūmysqa ornalastyru boıynsha Almatydan 7 myńnan astam jūmys berushí tírkelgen. Jergílíktí qūrylys kompanıyalary, sauda úılerí jūmysqa qabyldaudy belsendí júrgízude», – dedí Dılyara Imanqūlova.
Sondaı-aq Jūmyspen qamtu ortalyǵynyń basshysy qala tūrǵyndaryn zeınet jasyna deıíngí jūmyspen qamtu taqyrybyn qozǵady. Spıkerdíń aıtuynsha, bıyl ortalyqqa júgínudíń arqasynda 55 pen 63 jas aralyǵyndaǵy 528 adam jūmysqa ornalasty.
«Bízben yntymaqtasatyn jūmys berushíler zeınet jasyndaǵy azamattardy jūmysqa qabyldauǵa daıyn. Sondaı-aq «Eńbek» baǵdarlamasy boıynsha uaqytsha jūmys oryndaryna jūmysqa ornalasuǵa múmkíndík bar», – dedí Dılyara Imanqūlova.
Sonymen qatar spıker múmkíndígí shekteulí jandardy jūmysqa ornalastyru turaly aıtyp berdí. Onyń aıtuynsha, olar úshín múgedektík tobyna qaramastan jūmys ízdeu júzege asyrylady.
«Bıyl bíz múgedektígí bar 1 600-den astam adamdy jūmysqa ornalastyrdyq, onyń íshínde 139 adam tūraqty jūmys oryndaryna, 347 adam úkímettík emes ūıymdarǵa uaqytsha jūmys oryndaryna, taǵy 489 adam áleumettík oryndarǵa jūmysqa tūrdy. Almatyda 10-ǵa juyq ūıym kóru qabíletí būzylǵan adamdardy jūmysqa qabyldauǵa daıyn. Qalanyń barlyq ūıymdaryna múmkíndígí shekteulí jandardy jūmysqa ornalastyruǵa kvotalar bar ekenín aıtqym keledí», – dedí Dılyara Imanqūlova.
Almaty qalasynyń halyqty jūmyspen qamtu ortalyǵynyń basshysy áıelderdí, ásírese kóp balaly analardy jūmysqa ornalastyruǵa úlken qoldau kórsetíp otyrǵanyn aıtty. Bıyl ortalyq 54 kóp balaly anaǵa jūmys tapty, onyń 34-í AÁK alushylar.
