Qazaqstannyń úsh iri qalasynda jeltoqsannyń alǵashqy jumasynda qolaısyz aýa raıy kútiledi, - dep habarlaıdy Aqshamnews.kz tilshisi.
Astana qalasynda 5 jeltoqsanda kóktaıǵaq kútiledi. Túnde jáne tańerteń qala ishinde joldar taıǵaq bolyp, qozǵalysqa qıyndyq týdyrýy múmkin.
Almatyda taýly aımaqtarǵa jaqyn aýdandarda tuman saqtalady. Keı óńirlerde kóriný múmkindigi tómendep, jol qozǵalysy shektelýi yqtımal.
Shymkentte kúnniń alǵashqy jartysynda tuman túsedi. Ylǵaldy aýa raıy saqtalady, tańerteń kóriný qashyqtyǵy tómendeıdi.
Kazgıdromet mamandary júrgizýshiler men jaıaý júrginshilerdi aýa raıynyń qolaısyzdyǵyna baılanysty barynsha saq bolýǵa shaqyrady.