Eldí mekenderdí sumen jabdyqtau jáne su būru máselelerí boıynsha ótken Úkímet otyrysynda ónerkásíp jáne qūrylys vıtse-mınıstrí Quandyq Qajkenov Memleket basshysynyń halyqty 2025 jyldyń sońyna deıín auyz sumen qamtamasyz etu jóníndegí tapsyrmasynyń tolyq oryndalǵany turaly bayandady, dep habarlaıdy aqshamnews.kz
Onyń aıtuynsha tapsyrmany oryndau kezeńínde respublıkalyq byudjetten shamamen 835 mlrd teńge bólíníp, 1,6-den astam joba júzege asyryldy, onyń íshínde qaıtarylǵan aktıvter esebínen Arnauly memlekettík qordan – 132 mlrd teńge.
Nátıjesínde osy qarajatqa 34 qala men 756 auyl ortalyqtandyrylǵan su júıesímen qamtyldy. Oǵan qosymsha, jergílíktí byudjet esebínen 699 auylda keshendí blok-modulder ornatyldy. Salystyrmaly túrde aıtsaq, 2021 jyly auyl halqynyń 90%-y jáne qala halqynyń 97,5%-y sumen jabdyqtau qyzmetteríne qol jetkízdí.
Osylaısha, Memleket basshysynyń tapsyrmasy tolyq oryndalyp, elímízdegí 90 qala men 7,5 mln tūrǵyny bar 6087 auyl auyz sumen tolyq qamtamasyz etílíp otyr, — dedí vıtse-mınıstr.
Sumen jabdyqtau sapasyna óz aldyna bólek nazar audarylyp otyr. Barlyǵy 9,5 myń shaqyrym magıstraldyq jelí rekonstruktsıyalanyp, úlkeıtíldí, onyń íshínde qalalarda – 1,8 shaqyrym, auyldarda – 7,7 myń shaqyrym. Būl jelílerdíń tozuy deńgeıí 38%-ǵa deıín tómendeuge múmkíndík berdí.
Sonymen qatar sumen jabdyqtaudy jáne kommunaldyq ınfraqūrylymdy damytu jūmystary jalǵasuda.
2026 jylǵa jalpy transfertter ayasynda 128 mlrd teńge bólíndí, onyń íshínde sumen jabdyqtauǵa – 78 mlrd teńge, su būruǵa 50 mlrd teńge baǵyttalǵan.
Qosymsha jańǵyrtu jūmystary Energetıka men kommunaldyq sektordy jańǵyrtuǵa arnalǵan ūlttyq joba ayasynda nesıelík qarajattar esebínen júrgízíletín bolady.