Ortalyqta kardıologıya, kardıohırurgıya, kardıohırurgıya ota zaly jáne kardıoreanımatsıyasy bar, dep habarlaıdy aqshamnews.kz tílshísí.
Túrkístan oblystyq balalar auruhanasynda óńírlík balalar kardıohırurgıyalyq ortalyǵy ashyldy. Jańa ortalyqtyń ashylu rásímíne Túrkístan oblystyq densaulyq saqtau basqarmasy basshysynyń orynbasary Janbolat Díldabekov qatysty.
Zamanauı ortalyqtyń ashyluy – balalar kardıohırurgıyasy salasyndaǵy medıtsınalyq kómektíń qoljetímdílígín arttyruǵa baǵyttalǵan mańyzdy qadam. Endí Túrkístan oblysy, Qyzylorda oblysy jáne Shymkent qalasynda júregínde tua bítken aqauy bar balalarǵa joǵary mamandandyrylǵan kardıohırurgıyalyq kómektí óńírge jaqyn jerde kórsetuge múmkíndík keńeıedí.
Ortalyqta kardıologıya, kardıohırurgıya, kardıohırurgıya ota zaly jáne kardıoreanımatsıyasy bar. Sonymen qatar zamanauı medıtsınalyq qūral-jabdyqtarmen jabdyqtalǵan operatsıyalyq zal jūmys ísteıdí. Būl balalarǵa qajettí dıagnostıkalyq jáne emdík sharalardy der kezínde júrgízíp, josparly jáne shūǵyl hırurgıyalyq kómektí ūıymdastyruǵa múmkíndík beredí.
Túrkístan oblystyq balalar auruhanasynda 2014 jyldan berí tua bítken júrek aqaularyna baılanysty 3 433 operatsıya jasalǵan. Búgínde balalar kardıohırurgıyasy bólímshesínde jylyna 100-den astam operatsıya oryndalady. Onyń íshínde kúrdelí ashyq júrek otalary da bar.
Óńírlík ortalyqtyń jūmysy júrek aqaularyn erte anyqtauǵa, dıagnozdy naqtylauǵa jáne balalarǵa qajettí emdí uaqytyly bastauǵa jol ashady. Eń bastysy — kíshkentaı patsıentterdíń medıtsınalyq kómek alu úshín alysqa baru qajettílígín azaıtyp, joǵary tehnologıyalyq kardıohırurgıyalyq kómektí óz óńírínde aluǵa jaǵdaı jasaıdy.
Balanyń júregí – onyń ómíríníń eń mańyzdy bastauy. Sondyqtan árbír der kezínde qoıylǵan dıagnoz ben jasalǵan ota – balanyń dení sau bolyp ósíp, tolyqqandy ómír súruíne jasalǵan mańyzdy qadam.