Jańa áskerı qalashyq tolyqqandy ınfraqūrylymy bar keshen retínde salynady, dep habarlaıdy aqshamnews.kz tílshísí.
Auqymdy nysan «Samǵau» yqsham audanynda ornalasqan jáne shamamen 27 gektar aumaqty qamtıdy. Qazír mūnda qūrylys jūmystary qarqyndy júríp jatyr.
Nysannyń qūrylys barysyn Íshkí íster mınıstríníń orynbasary – Ūlttyq ūlannyń Bas qolbasshysy, general-leıtenant Ańsaǵan Baltabekov tekserdí. Jūmys barysymen tanysu kezínde qalashyqta qarastyrylǵan negízgí nysandardyń qūrylysyna basymdyq berílíp jatqany belgílí boldy.
Jańa áskerı qalashyq tolyqqandy ınfraqūrylymy bar keshen retínde salynady. Mūnda Ūlttyq ūlannyń áskerı qyzmetshíleríne arnalǵan ákímshílík ǵımarattar men tūrǵyn úıler boı kóteredí. Sonymen qatar áskerı tehnıkalardy ornalastyruǵa arnalǵan arnaıy tūraqtar men qajettí qoımalar salynady.
Aumaqta kınologıyalyq qalashyq ta qarastyrylǵan. Būl qyzmettík ıtterdí ūstauǵa, úıretuge jáne kınologıyalyq bólímshelerdíń jūmysyn ūıymdastyruǵa múmkíndík beredí. Būdan bólek, qalashyqta ınjenerlík qūrylystar men barlyq qajettí kommunıkatsıyalar júrgízíledí.
Yaǵnı jańa nysan tek áskerı bólímníń ornalasatyn orny emes, qyzmet atqaruǵa, tūruǵa jáne kúndelíktí áskerı míndetterdí oryndauǵa qajettí jaǵdaıdyń barlyǵyn qamtıtyn tūtas áskerı ınfraqūrylymǵa aınalmaq.
Qūrylys jūmystarynyń qarqyny joǵary. Josparǵa sáıkes, Almatydaǵy jańa áskerı qalashyqtyń qūrylysyn 2027 jyldyń sońyna deıín ayaqtau kózdelíp otyr.
Nysan paıdalanuǵa berílgennen keıín Ūlttyq ūlannyń Almatydaǵy materıaldyq-tehnıkalyq bazasyn nyǵaıtyp, áskerı qyzmetshíler úshín zamanauı jaǵdaı jasauǵa múmkíndík beredí.