QR Prezıdentí Qasym-Jomart Toqaevtyń qūttyqtau hatyn tabystady, dep habarlaıdy aqshamnews.kz tílshísí.
Almaty qalasy ákímíníń orynbasary Abzal Núkenov Memleket basshysynyń atynan aqyn, Qazaqstannyń halyq jazushysy Marfuǵa Aıtqojınany 90 jasqa tolǵan mereıtoıymen qūttyqtady.
Abzal Núkenov Qazaqstan Respublıkasynyń Prezıdentí Qasym-Jomart Toqaevtyń qūttyqtau hatyn tabystady.
«Kórnektí aqyn, qoǵam qaıratkerí árí erekshe daryn ıesí retínde Síz halqymyzdyń zor qūrmetíne bólendíńíz. Mazmūndy da ónegelí ǵūmyryńyzdy ūlttyq ádebıet pen mádenıettí damytuǵa, qazaq poezıyasynyń kókjıegín keńeıtuge arnadyńyz. Úzdíksíz ízdenís pen shabytqa toly kópjyldyq shyǵarmashylyq eńbegíńíz mol jemísín beríp, ár jyldary jaryq kórgen kítaptaryńyz ūlttyń ruhanı mūrasynyń altyn qoryn tolyqtyrdy», — delíngen Memleket basshysynyń qūttyqtauynda.
Qala basshylyǵynyń atynan Abzal Núkenov mereıtoı ıesíne kópjyldyq eńbegí úshín shynaıy rızashylyq bíldírdí. Ol Marfuǵa Aıtqojınanyń shyǵarmashylyǵy ūlttyq qūndylyqtarǵa qyzmet etudíń úlgísíne aınalǵanyn, al poezıyasy aqynnyń azamattyq ūstanymyn aıqyn tanytatynyn atap óttí.
Marfuǵa Aıtqojınanyń esímí qazaq ádebıetíníń tarıhynda aıryqsha oryn alady. Onyń shyǵarmalary ūlttyq poezıyanyń altyn qoryna eníp, oqyrman súıíspenshílígíne bólendí jáne bírneshe buyn úshín ruhanı baǵdarǵa aınaldy. Ol ondaǵan jyl boıy qazaq poezıyasynyń damuyna, mádenı mūrany saqtauǵa jáne qoǵamnyń ruhanı qūndylyqtaryn nyǵaıtuǵa zor úles qosyp keledí.