Juma kúni Astana qalasynda qar, al Almaty men Shymkentte jańbyr aralas qar jaýady, dep habarlaıdy Aqshamnews.kz tilshisi «Qazgıdromet» málimetine silteme jasap.
Sınoptıkterdiń boljamynsha, Astanada jeldiń jyldamdyǵy sekýndyna 9–14 metrge deıin jetedi, túnde ekpini 15–20 m/s bolady. Aýa temperatýrasy kúndiz jáne túnde –18…–20 gradýs shamasynda bolyp, odan ári tómendeıdi.
Almatyda jańbyr aralas qar jaýyp, jel 3–8 m/s bolady. Kúndiz aýa temperatýrasy +3…+5 gradýsqa deıin kóterilse, túnde –2…–4 gradýsqa deıin tómendeıdi.
Shymkentte de jańbyr aralas qar kútiledi. Jeldiń jyldamdyǵy 8–13 m/s, tańerteń jáne kúndiz ekpini 15–20 m/s-qa deıin kúsheıýi múmkin. Aýa temperatýrasy kúndiz jáne túnde +1…+3 gradýs shamasynda bolady.